Samantha Item Song: సమంత మరో ఐటమ్ కి సిద్ధం.. ఈ సారి పరిధి దాటుతుంది !

Samantha Item Song: నాలుగేళ్ల తన వైవాహిక జీవితానికి స్వస్తి పలికాక, సమంత సరికొత్త ప్రయాణం మొదలు పెట్టింది. భవిష్యత్తు పట్ల అనేక ఆశలు, ఆశయాలతో ముందడుగు వేస్తూ కొత్త కొత్త అవకాశాలు అందిపుచ్చుకుంటూ ముందుకు సాగుతుంది. ఇప్పటికే పుష్ప సినిమాలో ఐటమ్ సాంగ్ తో అదరగొట్టిన సామ్.. ఇప్పుడు మరో ఐటమ్ సాంగ్ కి సన్నద్ధం అయ్యింది. అర్జున్ రెడ్డి సినిమాతో స్టార్ దర్శకుడిగా మారిన సందీప్ వంగ.. బాలీవుడ్‌లో రణబీర్ కపూర్‌తో ‘యానిమల్’ సినిమాను చేస్తున్నాడు.

ఈ సినిమాలో మొదట హీరోయిన్ గా పరిణీతి చోప్రాను తీసుకున్నారు. అయితే, కొన్ని కారణాల వల్ల ఆమె ఈ సినిమా నుంచి తప్పుకుంది. దాంతో చిత్రబృందం హీరోయిన్‌గా రష్మికను కన్ఫర్మ్‌ చేశారు. అయితే, ఈ సినిమాలో ఓ స్పెషల్ సాంగ్‌ను దర్శకుడు ప్లాన్ చేయగా.. ఇందుకోసం సమంతను తీసుకోవాలని చిత్ర యూనిట్ భావిస్తోంది. పుష్పలో స్పెషల్ సాంగ్‌లో స్టెప్పులేసిన ఆమె.. ‘యానిమల్’ కోసం అంగీకరిస్తుందో? లేదో? చూడాలి మరి.

Also Read: Mohan Babu: పవన్ కళ్యాణ్ దారిలోనే మోహన్ బాబు.. ఇది జగన్ షాకే

ప్రస్తుతం వరుస సినిమాలతో జోరు మీదున్న సమంత రెమ్యునరేషన్ పెంచేసినట్లు టాక్. ఒక్కో సినిమాకు రూ.3 కోట్లు డిమాండ్ చేస్తోందట. విజయ్ దేవరకొండతో మైత్రీ మూవీ మేకర్స్ నిర్మించే సినిమాకు సమంత గ్రీన్ సిగ్నల్ ఇచ్చింది. ఈ సినిమాకి కూడా 3 కోట్లు తీసుకుంది. ఇక యానిమల్ విషయానికి వస్తే.. యాక్షన్‌, క్రైమ్‌ నేపథ్యంలో రాబోతున్న ఈ సినిమాలో రణబీర్‌తో పాటు అనిల్ కపూర్ ప్రధాన పాత్రను పోషిస్తున్నాడు.

అలాగే సీనియర్ నటుడు బాబీ డియోల్ కూడా ఈ చిత్రంలో విలన్ గా నటిస్తున్నాడు. అనిల్ కపూర్ – రణబీర్ కపూర్ – బాబీ డియోల్ కాంబినేషన్ మల్టీస్టారర్ అంటే.. ఫుల్ క్రేజ్ ఉంటుంది. మరి ఈ క్రేజీ కాంబినేషన్‏లో రాబోతున్న ఈ సినిమా పై ఇప్పటికే భారీ అంచనాలు ఉన్నాయి. ఇదొక పునర్జన్మల కాన్సెప్ట్ అని ప్రీ-లుక్ టీజర్ చూస్తే అర్ధం అవుతుంది.

‘హీరో తన తండ్రిని తరువాతి జీవితంలో తన కొడుకుగా జన్మించమని .. ఆ తర్వాత మళ్ళీ తండ్రిగా జన్మించమని కూడా అడుగుతాడు. అంటే.. తండ్రి కొడుకుల మధ్య వచ్చే ఎమోషనల్ డ్రామా ఈ సినిమా. ఇక మునుపెన్నడూ రాని సరికొత్త కాన్సెప్టుతో ఈ సినిమాని తీస్తున్నారని బాలీవుడ్ మీడియాలో బాగా టాక్ నడుస్తోంది.

Also Read:Actor Poo Ramu Passes Away: విషాదం : లెజెండరీ నటుడు మృతి.. సూర్య కంట కన్నీళ్లు