Samantha 40 interviews in one day: ఒక చిత్రాన్ని ఎంత అద్భుతంగా తీశాము అనేది కాదు , ఆ చిత్రాన్ని ప్రేక్షకులకు ఎంత చేరువ చేశారు అనేది ముఖ్యం. సినిమా ఎంత బాగున్నప్పటికీ , పబ్లిసిటీ లేకపోవడం వల్ల, ప్రేక్షకులకు పలానా సినిమా విడుదల అయ్యింది అనే విషయం కూడా తెలియక డిజాస్టర్ ఫ్లాప్స్ గా నిల్చిన చిత్రాలు చాలానే ఉన్నాయి. అలాంటి పరిస్థితి రాకూడదు కాబట్టే , విడుదలకు ముందు ఒక సినిమాకు పబ్లిసిటీ అత్యంత ముఖ్యం అని అంటుంటారు విశ్లేషకులు. ఎంత పెద్ద స్టార్ హీరో సినిమాకు అయినా సరే , పబ్లిసిటీ కారణంగా ఒక నాలుగు రూపాయిలు ఎక్కువ రావడమే కానీ , తక్కువ రావడం ఎక్కడ జరగలేదు. ఈ విషయం లో ప్రముఖ హీరోయిన్ సమంత ని ఎట్టి పరిస్థితిలోనూ మెచ్చుకోవలసిందే. ఆమె హీరోయిన్ గా నటించిన లేటెస్ట్ చిత్రం ‘మా ఇంటి బంగారం’.
షూటింగ్ కార్యక్రమాలు పూర్తి చేసుకున్న ఈ చిత్రం , ఈ నెల 19 న ప్రేక్షకుల ముందుకు రాబోతుంది. ఈ సందర్భంగా ప్రొమోషన్స్ లో భాగంగా సమంత ఒకటి కాదు , రెండు కాదు, ఏకంగా 40 ఇంటర్వ్యూలు ఇచ్చినట్టు తెలుస్తోంది. టాలీవుడ్ హిస్టరీ లో ఇదొక అరుదైన రికార్డు అని చెప్పడంలో ఎలాంటి సందేహం లేదు. ఈ చిత్రం విడుదలకు ఇంకా నాలుగు రోజుల సమయం ఉంది. ఈ నాలుగు రోజుల్లో ఈ 40 ఇంటర్వ్యూ లు యూట్యూబ్ లో అప్లోడ్ కానున్నాయి. వీటికి ఆడియన్స్ ఎంత వరకు కనెక్ట్ అవుతారో, సినిమాకు ఎలా ఉపయోగపడుతుందో చూడాలి. సమంత కేవలం ఇంటర్వ్యూస్ తో సరిపెట్టడం లేదు, జనాలకు ఈ చిత్రాన్ని ఎన్ని విధాలుగా దగ్గర చేసే మార్గాలు ఉన్నాయో, అన్ని మార్గాలను చేరుకుంటుంది. అందులో భాగంగా ఆమె టీవీ లో ప్రసారమయ్యే పాపులర్ ఎంటర్టైన్మెంట్ షోస్ లో కూడా ప్లాగొంతు ఈ చిత్రాన్ని ప్రమోట్ చేస్తోంది.
నిన్ననే స్టార్ మా ఛానల్ లో పాపులర్ ఎంటర్టైన్మెంట్ షో ‘ఆదివారం విత్ స్టార్ మా పరివారం’ అనే షోలో పాల్గొన్న సంగతి తెలిసిందే. ఈ షోలో ఆమె కాసేపు యాంకర్ శ్రీముఖి తో కలిసి చేసిన సందడి హైలైట్ గా నిల్చింది. ఇలా ప్రొమోషన్స్ విషయం లో ఇంతటి డెడికేషన్ చూపిస్తున్న సమంత కి ఆడియన్స్ ఎలాంటి ఫలితం ఇవ్వబోతున్నారో చూడాలి. ఈ చిత్రానికి నందిని రెడ్డి దర్శకత్వం వహించింది. గతం లో వీళ్లిద్దరి కాంబినేషన్ లో ‘జబర్దస్త్’, ‘ఓ బేబీ’ వంటి చిత్రాలు వచ్చాయి. వీటిల్లో ‘ఓ బేబీ’ చిత్రం ఎంత పెద్ద కమర్షియల్ హిట్ అయ్యిందో అందరికీ తెలిసిందే. ఈ సినిమా తర్వాత వీళ్లిద్దరి కాంబినేషన్ లో రాబోతున్న చిత్రం కావడంతో మార్కెట్ లో ఈ చిత్రం పై అంచనాలు భారీ గానే ఉన్నాయి. దానికి తగ్గట్టుగా ప్రొమోషనల్ కంటెంట్ కూడా బాగుండడం తో కచ్చితంగా సూపర్ హిట్ అవుతుందనే నమ్మకంతో ఉన్నారు మేకర్స్.
