Sai Pallavi : హీరోయిన్ సాయి పల్లవి క్రేజ్ గురించి ప్రత్యేకంగా చెప్పాల్సిన అవసరం లేదు. ఇతర హీరోయిన్లకి ఆమె చాలా భిన్నంగా ఉంటారు. మేకప్ వేసుకోవడానికి ఎక్కువగా ఇష్టపడరు. సహజంగానే అందంగా కనిపిస్తుంది. స్టార్ హీరోయిన్ అయినప్పటికీ కట్టు , బొట్టు విషయంలో చాలా పద్ధతిగా ఉంటుంది. గ్లామర్ షో కి దూరంగా ఉండే సాయి పల్లవి వరుస సినిమాలతో గ్లామర్ ఫీల్డ్ లో దూసుకుపోతుంది. సౌత్ టు నార్త్ క్రేజీ ప్రాజెక్ట్స్ చేస్తుంది. అయితే ఆమెను పెళ్లి చేసుకోమని ఒకరు టార్చర్ చేశారట. ఆ వివరాల్లోకి వెళితే ..
మలయాళ చిత్రం ప్రేమమ్ సినిమాతో హీరోయిన్ గా ఫిల్మ్ ఇండస్ట్రీలో అడుగు పెట్టింది సాయి పల్లవి. ఫస్ట్ మూవీతోనే ప్రేక్షకుల దృష్టిని ఆకర్షించింది. అనంతరం శేఖర్ కమ్ముల దర్శకత్వంలో ఫిదా సినిమాతో తెలుగు ఆడియన్స్ ని పలకరించింది. సాయి పల్లవి నటనకు, డాన్సులకు ఆడియన్స్ ఫిదా అయిపోయారు. ఫిదా సక్సెస్ నేపథ్యంలో తెలుగులో ఆమెకు ఆఫర్లు క్యూ కట్టాయి. నటనకు ప్రాధాన్యత ఉన్న పాత్రలు చేస్తూ తనకంటూ ఓ ప్రత్యేకమైన గుర్తింపు తెచ్చుకుంది.
వైవిధ్యమైన సినిమాలు చేస్తూ మరింత క్రేజ్ దక్కించుకుంది. ప్రస్తుతం సాయి పల్లవి తెలుగులో చందు మొండేటి దర్శకత్వంలో ‘ తండేల్ ‘ చిత్రం చేస్తుంది. నాగ చైతన్య హీరోగా నటిస్తున్నాడు. నాగ చైతన్య హీరో కాగా ఎమోషనల్ లవ్ డ్రామాగా రూపొందిస్తున్నారు. బాలీవుడ్ లో నిర్మిస్తున్న రామాయణంలో సీత పాత్రలో నటిస్తుంది. మరోవైపు తమిళంలో శివ కార్తికేయన్ హీరోగా నటిస్తున్న అమరన్ సినిమా చేస్తుంది. కమల్ హాసన్ ఈ మూవీ నిర్మాత కావడం విశేషం. ఇది ఇలా ఉంటే .. ఆమెను పెళ్లి చేసుకోమని చాలా ఇబ్బంది పెట్టారట.
ఓ సందర్భంలో సాయి పల్లవి ఈ విషయాన్ని బయట పెట్టింది. ఓ ఇంటర్వ్యూలో మాట్లాడుతూ .. కరోనా సమయంలో లాక్ డౌన్ కావడంతో నేను ఇంట్లోనే ఉన్నాను. ఆ టైం లో నన్ను మా పేరెంట్స్ పెళ్లి చేసుకోమని చాలా టార్చర్ చేశారు. కజిన్స్ అందరికీ పెళ్లి అయిపోవడం .. నాకు ఇంకా పెళ్లి కాకపోవడంతో చేసుకోమని బలవంతం పెట్టారు అని చెప్పుకొచ్చింది.
అయితే సాయి పల్లవి తాను కెరీర్ లో ఇంకా ఏమీ సాధించలేదు. ఇప్పుడు పెళ్లి చేసుకోలేను అని గట్టిగా చెప్పిందట. కరోనా సమయం ముగిసాక మళ్లీ సినిమాల్లో బిజీ కావడంతో ఇక పెళ్లి ప్రస్తావన రాలేదట. అయితే ఆమె లైఫ్ లో అనుకున్నది సాధించిన తర్వాతే పెళ్లి చేసుకుంటానని. తల్లిదండ్రులు సెలెక్ట్ చేసిన అబ్బాయినే వివాహం చేసుకుంటానని సాయి పల్లవి క్లారిటీ ఇచ్చింది.
