భారత ప్రభుత్వం విధించిన లాక్ డౌన్ తో సినీ జనాలు యాక్టివిటీ లేకుండా ఉన్నప్పుడు రాజమౌళి టీం ఆర్ ఆర్ ఆర్ సినిమా ప్రచారాన్ని స్టార్ట్ చేసి అందరినీ సర్ ప్రైజ్ చేసింది. ఉగాది రోజున ఆర్ ఆర్ ఆర్ చిత్రం యొక్క మొదట మోషన్ పోస్టర్ మరియు టైటిల్ ను విడుదల చేసిన రాజమౌళి టీమ్ రెండు రోజుల గ్యాప్ తరవాత మార్చ్ 27 వ తారీఖున రామ్ చరణ్ బర్త్ డే సందర్భంగా ‘భీమ్ ఫర్ రామరాజు’ అంటూ చెర్రీ పాత్ర ఇంట్రో వీడియోను విడుదల చేశారు.
కాగా ఈ వీడియోకు భారీ స్పందన దక్కుతోంది. టాలీవుడ్ చరిత్రలో అత్యధిక లైక్స్ పొందిన వీడియో గా రికార్డు సృష్టించింది . తెలుగు సినిమాల పరంగా 24 గంటల్లో అత్యధిక లైకులు పొందిన టీజర్స్ లో ఆర్ ఆర్ ఆర్ చిత్రం యొక్క టీజర్ కి 494 k లైకులు దక్కగా ప్రధమ స్థానం లో నిలిచింది. ఆ తరవాతి రెండు ,మూడు స్థానాల్లో సాహో 455 k దక్కించు కోగా , అజ్ఞాత వాసి 412 k దక్కించుకొంది. ఇక నాలుగు ,అయిదు స్థానాల్లో ఆల వైకుంఠపురం లో 387 కే , సరిలేరు నీకెవ్వరు 386 k లైకులు దక్కించు కొన్నాయి. .
దీంతో పాటుగా సినిమా కథ ఏమై ఉంటుందా అనే ఆలోచన అందరిలో వచ్చింది. రామ్ చరణ్ వస్త్రధారణ పోలీసు యూనిఫాం లో ఉండడం.. అల్లూరి సీతారామ రాజు పాత్ర కాషాయ వస్త్రాలలో షర్టు లేకుండా ఉండడంతో జనాల్లో కథపై కొత్త సందేహాలు వచ్చాయి.
ఈ విషయంపై రాజమౌళి స్పందిస్తూ “అల్లూరి సీతారామరాజు.. కొమరం భీమ్ నిజ జీవితంలో ఒకరినొకరు కలవలేదు. అయితే వారిద్దరికీ కొన్ని పోలికలు ఉన్నాయి. వారిద్దరూ చాలా చిన్న వయసులోనే ఇంటినుంచి బయటకు వచ్చారు. బ్రిటిష్.. నిజాం పాలన కు వ్యతిరేకంగా పోరాటాలు చేశారు. ఇద్దరి జీవితంలో జరిగిన పలు ముఖ్యమైన ఘట్టాలను కలిపి మేము RRR రూపొందించాం. 1920 లో ఇద్దరు స్నేహితులు చెడుకు వ్యతిరేకంగా చేసినపోరాటమే RRR మూల కథ” అంటూ సినిమా కథ వెల్లడించారు.
