Rohit Sharma biopic: మన ఇండియన్ సిల్వర్ స్క్రీన్ పై బయోపిక్ సినిమాలకు ఉన్న క్రేజ్ వేరే. డైరెక్టర్స్ కి కూడా కొత్త కథలను రాయడానికి చాలా ఇబ్బంది అవుతోంది. ఇలాంటి సమయం లోనే బయోపిక్స్ చేస్తే చాలా బెటర్ అని, నిజ జీవితాల్లో ఉండే రియల్ ఎమోషన్స్ ని వెండితెర పై సరైన పద్దతిలో ఆవిష్కరిస్తే ‘మహానటి’ లాంటి వెండితెర అద్భుతాలు ఆవిష్కృతమవుతాయని అంటున్నారు ట్రేడ్ విశ్లేషకులు. ఇలాంటి సమయం లోనే సోషల్ మీడియా లో గత కొద్దిరోజుల నుండి క్రికెటర్ రోహిత్ శర్మ బయోపిక్ ని తెరకెక్కించబోతున్నారని, అందులో రోహిత్ పాత్రని మన టాలీవుడ్ యంగ్ హీరో శర్వానంద్ చేయబోతున్నాడని ఒక ప్రచారం జరిగింది. దీనిపై నిన్న ‘బైకర్’ మూవీ ట్రైలర్ లాంచ్ ఈవెంట్ లో ఒక క్లారిటీ ఇచ్చాడు హీరో శర్వానంద్. ఒక విలేఖరి అడిగిన ప్రశ్నకు బదులుగా ఆయన ఈ బయోపిక్ గురించి ఇచ్చిన రెస్పాన్స్ ఇప్పుడు హాట్ టాపిక్ గా మారింది.
ఆయన మాట్లాడుతూ ‘మన దేశానికీ ఎంతో గర్వకారణంగా నిల్చిన, లెజెండ్ రోహిత్ శర్మ జీవిత చరిత్ర ప్రతీ ఒక్కరికి ఎంతో ఆదర్శవంతమైనది. అలాంటి లెజెండ్ బయోపిక్ లో నటించే అవకాశం వస్తే నేనెందుకు వదులుకుంటాను. కచ్చితంగా చేస్తాను. కానీ ఇప్పటి వరకు అయితే నా వద్దకు ఆ స్టోరీ తో ఏ డైరెక్టర్ రాలేదు’ అంటూ చెప్పుకొచ్చాడు శర్వానంద్. ఒకవేళ శర్వానంద్ తో ఏ డైరెక్టర్ అయినా ఈ బయోపిక్ ప్లాన్ చేస్తే, కచ్చితంగా భారీ రేంజ్ లో క్లిక్ అవ్వుద్ది అని చెప్పొచ్చు. ఒక బయోపిక్ సూపర్ హిట్ అవ్వాలంటే, ఎత్తుపల్లాలతో పాటుగా, సదరు లెజెండ్ జీవితం లో వచ్చిన పరాజయాలు, కష్టాలు కూడా చూపించాలి. ఒక మంచి ఎమోషనల్ రోలర్ కోస్టర్ లాగా ఉన్నప్పుడే ఇలాంటి బయోపిక్స్ సక్సెస్ అవుతుంటాయి. రోహిత్ శర్మ జీవితం కూడా ఒక ఎమోషనల్ రోలర్ కోస్టర్ లాంటిదే.
Also Read: హరీష్ శంకర్ ని రిజెక్ట్ చేసిన బాలయ్య.. ఇక ఇతనికి అవకాశాలు ఇచ్చే హీరో ఎవరు?
ఒకానొక సమయం లో బీసీసీఐ ఆయన్ని టీం లోకి తీసుకోవడానికి కూడా ఆసక్తి చూపలేదు. అలాంటి స్థాయి నుండి ఇండియన్ టీం కి కెప్టెన్ గా వ్యవహరించడమే కాకుండా, ఎన్నో అద్భుతమైన రికార్డ్స్, మైల్ స్టోన్స్ ని అధిగమించి, ప్రపంచం లోనే గొప్ప బ్యాట్స్ మ్యాన్ గా, గొప్ప కెప్టెన్ గా చరిత్ర సృష్టించాడు రోహిత్ శర్మ. గత ఏడాది T20 వరల్డ్ కప్ ని మన ఇండియన్ టీం ని అందించి ఆ ఫార్మటు కి రిటైర్మెంట్ ప్రకటించిన రోహిత్ శర్మ, ప్రస్తుతానికి ఒన్డే ఫార్మటు లో మాత్రమే కొనసాగుతున్నాడు. అదే విధంగా IPL లో ముంబై ఇండియన్స్ టీం తరుపున ఆడబోతున్నాడు.
