Khiladi Movie: మాస్ రాజా రవితేజ వరుస సినిమాలతో ఫుల్ జోష్ మీద ఉన్నారు. బ్యాక్ టు బ్యాక్ సినిమాలతో రేసుగుర్రంల దూసుకుపోతున్నారు మాస్ రాజా. దర్శకుడు రమేష్ వర్మ రవితేజ కాంబోలో రాబోతోన్న చిత్రం “ఖిలాడి”. మాస్ రాజా సరసన మీనాక్షి చౌదరి, డింపుల్ హయతి నటిస్తున్న విషయం తెలిసిందే.ఈ సినిమాను కోనేరు సత్య నారాయణ నిర్మిస్తున్నారు. ఇదిలా ఉంటే ఈ సినిమా పోస్ట్ ప్రొడక్షన్ కార్య‌క్ర‌మాలు హుటాహుటిగా జ‌రుగుతున్నాయి.
ప్రస్తుతం అన్నపూర్ణ స్టూడియోలో ఆర్ట్ డైరెక్టర్ గాంధీ నడికుడికర్ వేసి భారీ సెట్‌లో ఈ రోజు నుండి రవితేజ, మీనాక్షి చౌదరిలపై పాటను చిత్రీకరించనున్నారు.ఈ పాటను శేఖర్ మాస్టర్ కొరియోగ్రఫీ చేస్తున్నారు. అలానే ఈ చిత్రంలో మరొక పాటకు సంబంధించిన షూటింగ్ పార్ట్ మాత్రమే ఉందని సమాచారం.
ఈ డిసెంబర్ చివరి కల్లా షూటింగ్ మొత్తం పూర్తి చేసుకొని అనుకున్నట్లుగా వచ్చే ఏడాది ఫిబ్రవరి 11న థియేటర్ లో ప్రేక్షకులను అలరించేందుకు సిద్ధంగా ఉంది.ఈ సినిమాకి రాక్ స్టార్ దేవీ శ్రీ ప్రసాద్ సంగీతాన్ని అందిస్తున్నారు.బాలీవుడ్ ప్రొడక్షన్ కంపెనీ పెన్ స్టూడియోస్, ఏ స్టూడియోస్ సంయుక్తంగా నిర్మిస్తున్న ఈ సినిమాలో రవితేజ రెండు భిన్న పాత్రలను అభిమానులను అలరించేందుకు ముస్తాబు అయ్యారు.
రామారావు ఆన్ డ్యూటీ, అలాగే త్రినాద్ నక్కిన దర్శకత్వంలో ధమాకా సినిమా టైగర్ నాగేశ్వరరావు సినిమాలు చేస్తున్నారు మాస్ రాజా. వచ్చే ఏడాది వరుస సినిమాలతో అభిమానులతో సినిమా సందడి చేయనున్నారు.
