Ravichandran Ashwin comments: రీసెంట్ గా విడుదలైన పవన్ కళ్యాణ్(Deputy CM Pawan Kalyan) ‘ఉస్తాద్ భగత్ సింగ్'(Ustaad Bhagat Singh) చిత్రం కమర్షియల్ గా ఎంత పెద్ద డిజాస్టర్ ఫ్లాప్ అయ్యిందో మన అందరికీ తెలిసిందే. ‘ఓజీ’ లాంటి సెన్సేషనల్ బ్లాక్ బస్టర్ తర్వాత , పవన్ కళ్యాణ్ నుండి విడుదలైన ఈ సినిమాకు మొదటి ఆట నుండే డిజాస్టర్ టాక్ వచ్చింది. ఓపెనింగ్స్ గొప్పగా రాలేదు లాంగ్ రన్ అయితే అత్యంత దారుణం. మొదటి రోజే 100 కోట్ల గ్రాస్ ని కొల్లగొట్టే సత్తా ఉన్న పవన్ కళ్యాణ్ కి, క్లోజింగ్ లో వంద కోట్ల గ్రాస్ కొట్టడం కూడా కష్టం అయ్యింది అంటే, ఈ సినిమా ఎంత పెద్ద డిజాస్టర్ ఫ్లాప్ అనేది అర్థం చేసుకోవచ్చు. థియేటర్స్ లో చూడకుండా, ఈ చిత్రాన్ని నెట్ ఫ్లిక్స్ లో చూసిన వాళ్ళు కూడా నెగెటివ్ గానే కామెంట్స్ చేశారు.
అయితే ఈ చిత్రం తెలుగు ఆడియన్స్ కి నచ్చలేదు కానీ , హిందీ ఆడియన్స్ కి మాత్రం తెగ నచ్చేసింది. నెట్ ఫ్లిక్స్ లో ఈ చిత్రాన్ని ఎగబడి చూస్తున్నారు. నెట్ ఫ్లిక్స్ లోకి ఈ చిత్రం ఎంట్రీ ఇచ్చి 3 వారాలు అయ్యింది, ఈ మూడు వారాల్లో ఈ చిత్రానికి అన్ని భాషలకు కలిపి 70 లక్షలకు పైగా వ్యూస్ రావడం గమనార్హం. ఒక ఫ్లాప్ సినిమాకు ఈ రేంజ్ వ్యూస్ రావడం గతంలో సూపర్ స్టార్ మహేష్ బాబు ‘గుంటూరు కారం’ చిత్రానికి జరిగింది. మళ్లీ ఇన్ని రోజులకు పవన్ కళ్యాణ్ ‘ఉస్తాద్ భగత్ సింగ్’ విషయం లో జరుగుతోంది. రాబోయే రోజుల్లో ఈ చిత్రానికి కోటి కి పైగా వ్యూస్ వచ్చే అవకాశాలు ఉన్నాయి. ఇదంతా పక్కన పెడితే , రీసెంట్ గానే ఈ చిత్రాన్ని ప్రముఖ క్రికెటర్ రవిచంద్రన్ అశ్విన్ వీక్షించాడు. ఒక లైవ్ చాట్ లో ఇంటర్వ్యూయర్ తో మాట్లాడుతున్న ఆయన ‘ఉస్తాద్ భగత్ సింగ్’ గురించి చేసిన కామెంట్స్ ఇప్పుడు సోషల్ మీడియా లో బాగా వైరల్ అయ్యింది.
ఈ లైవ్ చాట్ లో ఆయన మాట్లాడుతూ ‘రీసెంట్ గానే నెట్ ఫ్లిక్స్ లో ఉస్తాద్ భగత్ సింగ్ చూశాను , చాలా నచ్చింది’ అంటూ చెప్పుకొచ్చాడు. రవి చంద్రన్ చేసిన ఈ కామెంట్స్, ఈ చిత్రానికి పెద్ద ప్రమోషన్ లాగా మారిపోయింది. మూడవ వారం లో 9 వ స్థానం లో ట్రెండ్ అవుతున్న ఈ సినిమా , ఒక్కసారిగా రవి చంద్రన్ అశ్విన్ కారణంగా 6 వ స్థానానికి ఎగబాకింది , ఈ వీకెండ్ కి కచ్చితంగా టాప్ 3 కి ఎగబాకిన ఆశ్చర్యపోనక్కర్లేదు, ఆ రేంజ్ లో నెట్ ఫ్లిక్స్ లో సునామీ సృష్టిస్తోంది ఈ చిత్రం.
