Ravi Teja: మన టాలీవుడ్ లో మల్టీస్టార్రర్ మూవీస్ కి ఎంత మంచి క్రేజ్ ఉందో ప్రత్యేకించి చెప్పనవసరం లేదు. యంగ్ హీరోలు , సీనియర్ హీరోలతో కలిసి చేసే స్థాయి నుండి, ఒకే తరానికి చెందిన ఇద్దరు బిగ్గెస్ట్ సూపర్ స్టార్స్ కలిసి నటించే స్థాయికి ఎదిగింది మన టాలీవుడ్. ఇలాంటి సమయం మరో క్రేజీ మల్టీస్టార్రర్ మన ముందుకు వచ్చే ఏడాది సంక్రాంతి కానుకగా రాబోతుంది. తొలిసారిగా అద్భుతమైన కామెడీ టైమింగ్ ఉన్నటువంటి మాస్ మహారాజ రవితేజ, శ్రీవిష్ణు కలిసి ఒక సినిమాలో నటించబోతున్నారు. ఈ చిత్రాన్ని ప్రముఖ నిర్మాత దిల్ రాజు భారీ లెవెల్ లో నిర్మించబోతున్నారు. దిల్ రాజు కి సంక్రాంతి సీజన్ ఎంత అద్భుతంగా కలిసొస్తుందో గతంలో మనం చాలానే చూసాము. ఆయన కెరీర్ లో అతికష్టమైన సమయంలో ఉన్నప్పుడు కూడా సంక్రాంతి సీజన్ ఆదుకుంది.
అలాంటి హిస్టరీ ఉంది కాబట్టి , వచ్చే సంక్రాంతి కూడా ఆయనకు బాగా కలిసొస్తుందనే బలమైన నమ్మకం తో ఉన్నారు ట్రేడ్ విశ్లేషకులు. ఇకపోతే ఈ క్రేజీ మల్టీస్టార్రర్ చిత్రానికి హసిత్ గోలి దర్శకత్వం వహించనున్నారు. గతం లో ఈయన శ్రీవిష్ణు తో రాజరాజ చోర, స్వాగ్ వంటి చిత్రాలను తెరకెక్కించారు. వీటిల్లో రాజరాజచోరా సూపర్ హిట్ అవ్వగా, స్వాగ్ చిత్రం ఫ్లాప్ అయింది. అయినప్పటికీ స్వాగ్ చిత్రం ఓటీటీ లో విడుదలయ్యాక మంచి రెస్పాన్స్ ని సొంతం చేసుకుంది. మంచి టాలెంట్ ఉన్న డైరెక్టర్, న్యూ ఏజ్ కాన్సెప్ట్ తో శ్రీ విష్ణు ద్వారా దిల్ రాజు వద్దకు రావడం , ఆయన వెంటనే రవితేజ తో కలిపించి స్టోరీ ని వివరించడం , రవితేజ కి తెగ నచ్చడం తో వెంటనే ఓకే చెప్పడం వంటివి చకచకా జరిగిపోయాయి. ఈ ఏడాది లోనే ఈ సినిమా సెట్స్ మీదకు వెళ్లే అవకాశం ఉంది.
ప్రస్తుతం రవితేజ ‘ఇరుముడి’ మూవీ షూటింగ్ లో బిజీ గా ఉన్నారు. ఈ సినిమా పూర్తి అయ్యాక ఆయన ఈ క్రేజీ మల్టీస్టార్రర్ ని సెట్స్ మీదకు తీసుకెళ్లే అవకాశం ఉంటుంది. త్వరలోనే దీనికి సంబంధించిన పూర్తి వివరాలను అధికారికంగా ప్రకటించనున్నారు. ఇక శ్రీవిష్ణు విషయానికి వస్తే , రీసెంట్ గానే ఆయన సింగిల్, విష్ణు విన్యాసం వంటి సూపర్ హిట్ చిత్రాలతో మంచి ఫార్మ్ లో ఉన్నారు. ప్రస్తుతానికి ఆయన సితార ఎంటర్టైన్మెంట్స్ బ్యానర్ లో సన్నీ సంజయ్ దర్శకత్వం లో ఒక సినిమా చేస్తూనే , మరోపక్క తనకు సామజవరాగమనా వంటి సూపర్ హిట్ చిత్రాన్ని అందించిన రామ్ అబ్బరాజు తో మరో సినిమా చేస్తున్నారు. ఈ రెండు సినిమాలు పూర్తి అయ్యాక ఆయన ఈ మల్టీస్టార్రర్ మూవీ సెట్స్ లోకి అడుగుపెట్టనున్నారు.
