Ravi Teja: మాస్ మహారాజా రవితేజ హీరోగా ‘నేను లోకల్’ ఫేమ్ నక్కిన త్రినాధరావు దర్శకత్వంలో ధమాకా అనే సినిమా చేస్తున్నాడు. అయితే, తాజాగా ఈ ఔట్ అండ్ ఔట్ ఎంటర్టైనర్ నుంచి రవితేజ పుట్టినరోజు సందర్భంగా ఆయనకు శుభాకాంక్షలు తెలుపుతూ ఈ చిత్రానికి సంబంధించి ఓ కొత్త పోస్టర్ను విడుదల చేశారు. పోస్టర్ లో చారల చొక్కా, నలుపు జీన్స్ లో రవితేజ అల్ట్రా-స్టైలిష్ లుక్ లో రవితేజ అదిరిపోయాడు.
పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా ఈ చిత్రాన్ని భారీ స్థాయిలో నిర్మిస్తున్నారు. టీజీ విశ్వప్రసాద్ ఈ చిత్రాన్ని నిర్మిస్తుండగా, వివేక్ కూచిభొట్ల సహ నిర్మాతగా వ్యవహరిస్తున్నారు. ఇక ఈ చిత్రానికి ప్రసన్న కుమార్ బెజవాడ కథ, మాటలు అందించగా, భీమ్స్ సిసిరోలియో సంగీతం అందిస్తున్నాడు. , కార్తీక్ ఘట్టమనేని కెమెరా మెన్ గా ఉన్నాడు.
Also Read: ఈ రాశుల వారికి ఈ సంవత్సరం ముట్టిందల్లా బంగారమే.. మీ రాశి ఉందో లేదో చూడండి..
ఇక ఈ సినిమాలో రవితేజ పారితోషికం పై కూడా అనేక రూమర్స్ వినిపించాయి. గతంలో కంటే కూడా.. ఈ సినిమాకు రవితేజ ఎక్కువ డిమాండ్ చేసాడని వార్తలు వచ్చాయి. అయితే రవితేజ ఉన్నట్టు ఉండి, ఇలా పారితోషికం విషయంలో ఎక్కువ డిమాండ్ చేయడానికి కారణం.. ‘క్రాక్’ అద్భుత విజయాన్ని అందుకోవడం అట.
ఇక రవితేజ పుట్టినరోజు సందర్భంగా రవితేజ ప్రస్తుతం చేస్తున్న 6 సినిమాల నుంచి వరుస అప్ డేట్స్ వస్తున్నాయి. ‘ఖిలాడీ’, ‘రామారావు ఆన్ డ్యూటీ’, ‘ధమాకా’, ‘రావణాసుర’, టైగర్ నాగేశ్వరరావు, అలాగే బాబీ దర్శకత్వంలో చిరంజీవి హీరోగా వస్తున్న సినిమాలో కూడా రవితేజ ఓ కీలక పాత్రలో నటిస్తున్నాడు.
Also Read: పొరపాటున కూడా శనివారం ఈ వస్తువులను ఇంటికి తెచ్చుకోకూడదు!
