Rashmika: చలో సినిమాతో తెలుగు ప్రేక్షకులను పలకరించి.. అతి తక్కువ సమయంలోనే నేషనల్ క్రష్గా మారిన హీరోయిన్ రష్మిక. కొంత మంది లక్కీ బ్యూటీ అని కూడా అంటారు. ఛలో సినిమా మంచి విజయం సాధించడంతో ఈ బ్యూటీకి వరుసగా అవకాశాలు క్యూకట్టాయి. అప్పటినుంచే తెలుగు సినిమాల్లో ఫుల్ బిజీ అయిపోయింది. విజయ్ దేవరకొండ నటించిన గీతాగోవందం, డియర్ కామ్రెండ్ సినిమాలతో మంచి విజయాన్ని అందుకుని.. ఆతర్వాత స్టార్ హీరోలతో జతకట్టింది.
మహేశ్బాబు నటింటిన సరిలేరు నీకెవ్వరు సినిమాలో హీరోయిన్గా కనిపించిన రష్మిక.. ప్రస్తుతం సుకుమార్ దర్శకత్వంలో తెరకెక్కుతోన్న పుష్పలో నటిస్తోంది. ఇందులో బన్నీకి జోడీగా కనిపించనుంది. ఈ సినిమాలో బన్నీ లారీ డ్రైవర్గా కనిపించనుండగా.. రష్మిక పల్లెటూరి యువతిగా డీగ్లామర్ లుక్లో దర్శనమివ్వనుంది. ఈ సినిమా డిసెంబరు 17న విడుదలకు సిద్ధమైంది. ఈ సందర్భంగా నిన్న రాత్రి హైదరాబాద్లో ప్రీ రిలీజ్ ఈవెంట్ నిర్వహించింది చిత్రబృందం.
ఈ సందర్భంగా రష్మిక మాట్లాడుతూ.. ఈ కార్యక్రమానికి హాజరైన అందరికీ ధన్యవాదాలు తెలుపుతూ.. స్పీచ్ మొదలుపెట్టింది. అందరూ జాగ్రత్తగా ఉండాలని.. ఈవెంట్కు వచ్చిన కొంతమందికి గాయాలయ్యాయని తెలిసి బాధేసిందని పేర్కొంది. అనంతరం.. ఈ సినిమా కోసం అందరూ కష్టపడి పనిచేశారని.. ఆ కష్టానికి తగ్గ ఫలితమే పుష్ప అని పేర్కొంది. ఈ సినిమా కోసం తన తల్లిదండ్రులకు కూడా చాలా దూరంగా ఉండాల్సి వచ్చిందని పేర్కొంది రష్మిక. ఈ కార్యక్రమానికి ముఖ్య అతిథులుగా రాజమౌళి, కొరటాల శివ, మారుతి హాజరయ్యారు.