Ustaad Bhagat Singh Latest Update: ఈ నెల 26 న పవర్ స్టార్ పవన్ కళ్యాణ్(Deputy CM Pawan Kalyan) నటించిన ‘ఉస్తాద్ భగత్ సింగ్ ‘(Ustaad Bhagat Singh) చిత్రం ప్రపంచవ్యాప్తంగా భారీ లెవెల్ లో విడుదల కాబోతుంది. దాదాపుగా అన్ని ప్రాంతాల్లోనూ ఈ సినిమాకు జరిగిన బిజినెస్ పవన్ కళ్యాణ్ గత చిత్రం ‘ఓజీ’ రేంజ్ లో ఉంది. ఒక కమర్షియల్ సినిమాకు ఈ రేంజ్ బిజినెస్ జరగడం అనేది చిన్న విషయం కాదు. సాధారణంగా కమర్షియల్ సినిమాలు కేవలం సంక్రాంతి సీజన్ లో మాత్రమే బాగా ఆడుతాయి. మిగిలిన సీజన్స్ లో ఈ సినిమాలకు డిమాండ్ ఉండదు అని ట్రేడ్ విశ్లేషకులు అంటుంటారు. కానీ ‘ఉస్తాద్ భగత్ సింగ్ ‘ లెక్క వేరు లాగా ఉంది. అందుకే బయ్యర్స్ చాలా నమ్మకంతో ఈ సినిమాని కొనుగోలు చేస్తున్నారు. వాళ్ళు అలా కొనుగోలు చేయడానికి కూడా ఒక కారణం ఉందట.
Also Read: లోకేష్ కు అలా అవకాశం ఇచ్చిన చంద్రబాబు!
మేకర్స్ బయ్యర్స్ కి ఇటీవలే ఈ చిత్రానికి సంబంధించిన 20 నిమిషాల ఫుటేజీ ని చూపించారట. అవి వాళ్లకు విపరీతంగా నచ్చడం తో ఈ చిత్రాన్ని ఆ రేంజ్ రేట్లకు కొనుగోలు చేస్తున్నారట. పవన్ కళ్యాణ్ ని ఇప్పటి వరకు ఎవ్వరూ చూడని యాంగిల్స్ లో డైరెక్టర్ హరీష్ శంకర్ చూపించాడట. ఇప్పటి వరకు పవన్ కళ్యాణ్ తన కెరీర్ మొత్తం మీద ఒక మాస్ సాంగ్ లో ఇద్దరు హీరోయిన్స్ తో డ్యాన్స్ వెయ్యలేదు. అభిమానులకు కనీసం ఊహలో కూడా ఈ ఇలాంటి ఆలోచన వచ్చి ఉండదు. అలాంటిది ఈ సినిమాలో ఆయన శ్రీలీల , రాశీ ఖన్నా
ఖన్నా తో కలిసి ఒక మాస్ బీట్ ఉన్న సాంగ్ లో అదిరిపోయే రేంజ్ స్టెప్పులు వేశాడట. ఈ పాట ఆన్లైన్ లోకి ఎప్పుడు విడుదల అవుతుందో తెలియదు కానీ, విడుదలైన రోజు మాత్రం బ్లాస్టింగ్ రెస్పాన్స్ మామూలుగా ఉండదని అంటున్నారు.
అంతే కాదు మార్చి 4 న ఈ చిత్రానికి సంబంధించిన కంటెంట్ ఒకటి విడుదల చేయడానికి సన్నాహాలు చేస్తున్నారట. అది పాటనా ?, లేకపోతే సినిమాకు సంబంధించిన టీజర్ నా ? అనేది తెలియాల్సి ఉంది. ట్రైలర్ కి ముందే మేకర్స్ 40 సెకండ్స్ నిడివి ఉన్న ఒక చిన్న బిట్ టీజర్ ని విడుదల చెయ్యాలని అనుకుంటున్నారట . త్వరలోనే దీనికి సంబంధించిన పూర్తి వివరాలు బయటకు రానున్నాయి. మరోపక్క డైరెక్టర్ హరీష్ శంకర్ ప్రొమోషన్స్ కూడా స్టార్ట్ చేసేశాడు. నాన్ స్టాప్ గా రెండు మూడు ఇంటర్వ్యూస్ కూడా ఇచ్చేసాడు. త్వరలోనే ఇవి అందుబాటులోకి రానున్నాయి. చూడాలి మరి రాబోయే రోజుల్లో ఈ సినిమా మేనియా ఎలా ఉండబోతుంది అనేది.