Ranveer Singh Fan Gift Reaction: సినీ తారలు నేడు కోట్ల రూపాయిల రేంజ్ రెమ్యూనరేషన్స్ ని అందుకుంటూ, లగ్జరీ లైఫ్ ని అనుభవిస్తున్నారంటే అందుకు కారణం అభిమానులు. అభిమానులంటే సాక్షాత్తు దేవుళ్లతో సమానం. అలాంటి అభిమానులను కొంతమంది హీరోలు అవమానిస్తూ ఉంటారు. కేవలం ఒక్క సెల్ఫీ అడిగితే చెంప చెళ్లుమని వాయించే సందర్భాలను కూడా మనం గతంలో చాలానే చూశాము. కొంతమంది అయితే కనీసం షేక్ హ్యాండ్ ఇవ్వడానికి కూడా ఇష్టపడరు, అంటరాని వాళ్ళని చూసినట్టు చూస్తారు. కొంతమంది అయితే బౌన్సర్లతో కొట్టిస్తారు. ఇలాంటి దారుణమైన హీరోలు ఉన్న ఈ రోజుల్లో, అభిమానులను దేవుళ్లుగా భావించే హీరోలు కూడా చాలా మంది ఉన్నారు. అలాంటి హీరోల్లో ‘ధురంధర్’ ఫేమ్ రణవీర్ సింగ్ కూడా ఉన్నాడు. రీసెంట్ గా సోషల్ మీడియా లో చక్కర్లు కొడుతున్న ఒక వీడియో ని చూసి నెటిజెన్స్ రణవీర్ పై ప్రశంసల వర్షం కురిపిస్తున్నారు.
Also Read: పవన్ కళ్యాణ్ తో ‘ధురంధర్ 2’ డైరెక్టర్ ఆదిత్య డర్ భేటీ.. త్వరలోనే బ్లాస్టింగ్ అప్డేట్ లోడింగ్..
ఒక ఈవెంట్ కి హాజరైన రణవీర్ సింగ్ , తిరిగి వెళ్తున్న సమయం లో ఒక వీరాభిమాని బౌన్సర్లను దాటుకొని రణవీర్ వద్దకు చేరుకుంటాడు. ఇలా దూసుకొచ్చే అభిమానులను మన సౌత్ హీరోలు ట్రీట్ చేసే విధానం ఎలా ఉంటుందో చాలా సందర్భాల్లో చూశాము . చాలా వైల్డ్ రియాక్షన్ ఉంటుంది. కానీ రణవీర్ సింగ్ మాత్రం అలా దూసుకొచ్చిన అభిమాని తో ప్రేమగా మాట్లాడుతూ సెల్ఫీ ఇవ్వడానికి రెడీ అవుతూ ఉంటాడు. అంతలోపు ఆ అభిమాని తన చేతిలో రణవీర్ సింగ్, దీపికా పదుకొనే మరియు వీళ్లిద్దరి కూతురు కలిసి ఉన్న ఫోటో తో తయారు చేయించిన ఫ్రేమ్ ని చూపిస్తాడు. అది చూసిన రణవీర్ సింగ్ ఎంతో సంతోషిస్తాడు. ఆ అభిమానిని దగ్గరకు తీసుకొని ముద్దు పెడుతాడు. అభిమాని పట్ల రణవీర్ చూపించిన ఈ ప్రేమకు నెటిజెన్స్ మొత్తం ఫిదా అయిపోయారు. సినిమాల్లోనే కాదు , నిజ జీవితం లో కూడా రణవీర్ సింగ్ హీరోనే అంటూ కామెంట్స్ చేస్తున్నారు నెటిజెన్స్.
రణవీర్ సింగ్ తన జీవితం లో ఇలాంటి బహుమతులను ఎన్నో చూసి ఉంటాడు. తన ఇంట్లో ఇంతకంటే అందమైన ఫోటో ఫ్రేమ్స్ కూడా ఉండే ఉంటాయి, అయినప్పటికీ అభిమాని ప్రేమతో ఇచ్చిన ఆ ఫోటో ఫ్రేమ్ కి అంత సంతోషాన్ని వ్యక్తం చేశాడంటే , తన అభిమానులకు ఆయన ఇస్తున్న గౌరవం, చూపిస్తున్న ప్రేమ ఎలాంటిదో అర్థం అవుతోంది అంటూ సోషల్ మీడియా లో నెటిజెన్స్ కామెంట్స్ చేస్తున్నారు. ఇలాంటి హీరోలే మన ఇండియన్ సినీ పరిశ్రమకు కావాలి , అందరూ ఈయన లాగా ఉండాలి అంటూ విమర్శకులు సైతం ప్రశంసల వర్షం కురిపిస్తున్నారు.
View this post on Instagram
