RRR: బాహుబలి సినిమా తర్వాత అత్యంత ప్రతిష్టాత్మకంగా రాజమౌళి తెరకెక్కిస్తోన్న సినిమా ఆర్ఆర్ఆర్. మెగాపవర్స్టార్ రామ్చరణ్, జూనియర్ ఎన్టీఆర్ హీరోలుగా నటిస్తోన్న ఈ సినిమా వచ్చే ఏడాది సంక్రాంతి కానుకగా జనవరి 7న ప్రేక్షకుల ముందుకు రానుంది. ఈ క్రమంలోనే వరుసగా పోస్టర్లు, పాటలు విడుదల చేస్తూ ప్రేక్షకుల్లో అంచనాలు పెంచేస్తున్నారు మేకర్స్. ఈ సినిమాలో తారక్, చెర్రీలు మునుపెన్నడూ కనిపించని విభన్న పాత్రల్లో నటిస్టుండటం విశేషం. ఇప్పటికే ఈ సినిమాపై భారీ క్యూరియాసిటీ పెరిగిపోయింది. తాజాగా ఈ సినిమా నుంచి వచ్చిన ట్రైలర్ ఒక్కొక్కరికి రోమాలు నిక్కపొడుచుకునేలా చేసింది. యాక్షన్స్, ఎమోషన్స్, ఎలివేషన్స్ ఇలా అన్నింట్లో ప్రేక్షకులను అమితంగా ఆకట్టుకుంది ట్రైలర్.
RRR
Also Read: సెట్స్లో నాగ్ ఎప్పుడెప్పుడొస్తాడా అని ఎదురుచూసేవాళ్లం- అలియా
ఈ క్రమంలోనే సినిమా ప్రమోషన్స్లో వేగం పెంచారు రాజమౌళి. తాజాగా ముంబయిలో జరగనున్న ఆర్ఆర్ఆర్ మెగా ఈవెంట్ కోసం రామ్చరణ్, రాజమౌళి ముంబయికి చేరుకున్నారు. తాజాగా ముంబయి విమానాశ్రయంలో అడుగుపెట్టిన చెర్రీ.. ఫొటోగ్రాఫర్లకు ఫోజులిచ్చాడు. ప్రస్తుతం ఈ ఫొటోలు నెట్టింట వైరల్గా మారాయి. లెదల్ జాకెట్తో, సన్ గ్లాసెస్ పెట్టుకుని సూపర్కూల్ లుక్తో దర్శనమిచ్చాడు చెర్రి.
ఈ ఈవెంట్ కోసం దాదాపు 9కోట్లు ఖర్చు చేస్తున్నట్లు సమాచారం. ఈ కార్యక్రమంలో తారక్, అలియాభట్తో పాటు అజయ్దేవగన్ కూడా పాల్గొననున్నారు. కాగా, బాలీవుడ్ స్టార్ సల్మాన్ ఖాన్ ఈ ప్రమోషన్స్లో ప్రత్యేక అతిథిగా హాజరు కానుండటం విశేషం. డిసెంబరు 19న ముంబయి నగరంలోనే ప్రీ రిలీజ్ ఈవెంట్ జరగనుంది. కాగా, ఇప్పటికే భారీ హైప్ క్రియేట్ చేసుకున్న ఈ సినిమా.. వచ్చే ఏడాది జనవరి12న ప్రపంచవ్యాప్తంగా ప్రేక్షకుల ముందుకు రానుంది.
Also Read: డీ గ్లామర్ లుక్ లో మెగాస్టార్.. ఆ డైరెక్టర్ కి కలిసొచ్చేలానే ఉంది !
