Chikiri Chikiri Song 200 Million Views: గ్లోబల్ స్టార్ రామ్ చరణ్(Global Star Ram Charan) నటించిన ‘పెద్ది'(Peddi Movie) చిత్రం ప్లాన్ ప్రకారం ఈ నెల 30 న ప్రేక్షకుల ముందుకు రావాలి. కానీ మేకర్స్ నుండి ఇప్పటి వరకు ఎలాంటి చప్పుడు లేదు. చాలామంది ఈ చిత్రాన్ని జూన్ 25 కి వాయిదా వేశారని అంటున్నారు. కానీ దీనిపై ఇప్పటి వరకు ఎలాంటి అధికారిక ప్రకటన రాలేదు. ఈ సినిమా విడుదల తేదీ పై అభిమానుల్లో, ప్రేక్షకుల్లో ఒక పెద్ద గందరగోళం నెలకొంది. చాలా కాలం తర్వాత రామ్ చరణ్ సినిమాకు అభిమానులు , ప్రేక్షకులు ఒక రేంజ్ లో హైప్ అయ్యి ఉన్నారు. కచ్చితంగా ఈ చిత్రం కుంభస్థలం బద్దలు కొట్టబోతుంది అనే నమ్మకం అందరిలోనూ ఏర్పడింది. ఇప్పటి వరకు ఈ సినిమా నుండి వచ్చిన కంటెంట్ అలాంటిది మరీ. ముఖ్యంగా ‘చికిరి చికిరి’ పాట సృష్టించిన గ్లోబల్ సునామీ సాధారమైనది కాదు.
ఎక్కడ చూసినా యూత్, మాస్ ఆడియన్స్ ఈ పాటకు చిందులు వేస్తూ ఒక రేంజ్ లో వైబ్ అవుతున్నారు. మ్యూజిక్ ప్లాట్ ఫార్మ్స్ లో ఎన్నో ఆల్ టైం రికార్డ్స్ ని నెలకొల్పిన ఈ చార్ట్ బస్టర్ సాంగ్ , ఇప్పుడు యూట్యూబ్ లో మరో సరికొత్త రికార్డు ని నెలకొల్పింది. కేవలం తెలుగు వెర్షన్ లోనే ఈ పాటకు 200 మిల్లియన్లకు పైగా వ్యూస్ వచ్చాయి. విడుదలకు ముందు ఈమధ్య కాలం లో ఒక స్టార్ హీరో సినిమా బ్లాక్ బస్టర్ పాటకు ఈ రేంజ్ వ్యూస్ రావడం జరగలేదు. 2024 వ సంవత్సరం సెప్టెంబర్ లో విడుదలైన ఎన్టీఆర్ ‘దేవర’ చిత్రం లోని చుట్టమల్లే పాటకు ఇదే రేంజ్ వ్యూస్ వచ్చాయి. అప్పట్లో ఈ రికార్డుని భవిష్యత్తులో అందుకోవడం కష్టమేనేమో అని అంతా అనుకున్నారు. కానీ ‘చికిరి చికిరి’ పాటకు అదే రేంజ్ రెస్పాన్స్ వస్తుందని ముందుగా ఎవ్వరూ ఊహించలేదు.
కేవలం తెలుగు వెర్షన్ లోనే కాదు , హిందీ వెర్షన్ లో కూడా ఈ పాటకు బ్లాక్ బస్టర్ రెస్పాన్స్ వచ్చింది. హిందీ లో ఇప్పటి వరకు ఈ పాటకు 55 మిల్లియన్లకు పైగా వ్యూస్ వచ్చాయి. లైక్స్ దాదాపుగా 6 లక్షలకు పైగానే ఉంది. హిందీ లో ఈ రేంజ్ రెస్పాన్స్ ని గతం లో పుష్ప సిరీస్ లోని పాటలు మాత్రమే సంపాదించుకున్నాయి. ఆ తర్వాత మళ్లీ ‘పెద్ది’ కి ఆ అవకాశం దక్కింది. అదే విధంగా తమిళ వెర్షన్ పాటకు 6.8 మిలియన్ వ్యూస్ రాగా, కన్నడ వెర్షన్ పాటకు 6.2 మిలియన్ వ్యూస్ , మలయాళం వెర్షన్ పాటకు 2.6 మిలియన్ వ్యూస్ వచ్చాయి. ఓవరాల్ గా ఈ పాటకు యూట్యూబ్ లో అన్ని వెర్షన్స్ కి కలిపి 270 మిల్లియన్లకు పైగా వ్యూస్ వచ్చాయి. భవిష్యత్తులో ఈ పాట ఇంకా ఎన్ని మైలు రాళ్లను దాటుతుందో చూడాలి.
