Rajanikath: పండగ వచ్చిందంటే చాలు ఇంట్లో బంధువులతో పాటు, కొత్త సినిమాలూ సందడి చేయడానికి సిద్ధమవుతాయి. ఈ ఏడాది దసరా వేడుకలను పురస్కరించుకుని అభిమానులకు హుషారు పెంచేందుకు స్టార్ హీరోలు రెడీ అవుతున్నారు. ఈ క్రమంలోనే సూపర్ స్టార్ రజనీకాంత్ హీరోగా వస్తోన్న ‘అన్నాత్తై’ నుంచి కొత్త అప్ డేట్ తీసుకోచ్చింది చిత్రబృందం. ఈ సినిమా టీజర్ని అక్టోబర్ 14న విడుదల చేయనున్నట్లు తెలిపింది. దీంతో తలైవా అభిమానుల్లో ఉత్సాహం రెట్టింపయింది.
శివ దర్శకత్వంలో సన్ పిక్చర్స్ పతాకంపై కళానిధి మారన్ నిర్మిస్తున్న సినిమా ఇది. రజనీకాంత్కు జోడీగా నయనతార నటిస్తున్నారు. కీర్తిసురేశ్, మీనా, ఖుష్బూ ప్రధాన పాత్రలు పోషిస్తున్నారు. నవంబర్ 4న ఈ మూవీ ప్రేక్షకుల ముందుకు రానుంది. ఇటీవలె రజని నటించిన కబాలి, పేటా వంటి చిత్రాల్లో విభిన్న పాత్రలు ధరిస్తూ.. అభిమానులను అలరించారు. ఈ సినిమాలు బాక్సాఫీసు వద్ద పెద్దగా హిట్ కానప్పటికి.. మంచి టాక్ తెచ్చుకున్నాయి. రజనీ హీరోగా చివరగా వచ్చిన చిత్రం దర్బార్. పోలీస్గా చెలరేగిపోయి తనలో యవ్వనం అలాగే ఉందని నిరూపించారు.
మరి అన్నాత్తై లో తలైవా లుక్ ఎలా ఉంటుందో తెలియాలంటే సినిమా టీజర్ వచ్చే వరకు వేచి చూడాల్సిందే. మరోవైపు రోబో తర్వాత పెద్దగా హిట్ సాధించని రజనీ.. ఈ సినిమాతోనైనా రికార్డు సృష్టించాలని అభిమానులు భావిస్తున్నారు.