Kangana Ranaut: ‘హీరోయిన్ లందు కంగనా రనౌత్ వేర’యా అని ఆమె గురించి ఎన్నిసార్లు చెప్పుకున్నా, ఆమెను ఎంతగా తిట్టినా ఆమె వ్యవహార శైలి మాత్రం ఏ మాత్రం మారదు. సంబంధం లేని విషయంలో ఏదొక రకంగా దూరి.. నోటికి ఎంత మాట వస్తే.. అంత మాట అనేయడం ఆమె ప్రత్యేకత. పైగా అంశం ఏదైనా అడ్డమైన కామెంట్లు చేయడం ఆమె నైజం. బాలీవుడ్ లోనే బోల్డ్ హీరోయిన్ గా రెచ్చిపోయే కంగనా.. వివాదాల విషయంలో అంతకన్నా రెచ్చిపోతూ ఉంటుంది.
Kangana Ranaut
ముఖ్యంగా గతేడాది కంగనా చేసిన లొల్లి దెబ్బకు ఓ దశలో హిందీ పరిశ్రమ విసిగిపోయింది. ఆమె చుట్టూ నిత్యం అనేక వివాదాలు వస్తూ పోతూ ఉండేవి. అందుకే, వివాదాలు అంటే కంగనాకి కూడా విసుగు వచ్చేసినట్టు ఉంది. ఇక నుంచి ఈ 2022లో తనకు మానసిక ప్రశాంతత కావాలని కోరుకుంది. ముఖ్యంగా ఎలాంటి వివాదాలు, కేసులు లేకుండా తన లైఫ్ ఉండాలని ఆశ పడుతుంది.
అయినా, కంగనా అంటేనే గొడవలకు కేరాఫ్ అడ్రస్. అలాంటి ఆమె లైఫ్ లో వివాదం లేకుండా ఎలా ఉంటుంది ?. అందుకే, తిరుపతి దర్శనం కోసం వచ్చి, ఆ తిరుమలేశుని ఓ కోరిక కోరింది. తన చుట్టూ ఇక నుంచి వివాదం లేకుండా చేయమని కోరింది. పైగా కొత్త ఏడాది మొదటి రోజు శ్రీకాళహస్తికి వెళ్లి మరీ రాహు కేతు దోష నివారణ పూజలు ప్రత్యేకంగా చేసింది.
Also Read: ‘ఆర్ఆర్ఆర్’ సినిమాకు ఇన్ స్పైర్ అతనే.. కథ అక్కడే మొదలైంది..: రాజమౌళి
కంగనా జాతకంలో ఏవైనా దోషాలు ఉంటే ఈ పూజలతో అవి పోతాయేమో మరి. ఇంతకీ కంగనాలో సడెన్ గా ఇంత మార్పు ఎందుకు వచ్చింది ? కారణం ఆమె సినిమాలు ఈ మధ్య బాక్సాఫీస్ వద్ద ఆడడం లేదు. పైగా కంగనా పక్కన నటించడానికి ఏ బాలీవుడ్ హీరో ఇంట్రెస్ట్ చూపించడం లేదు. దాంతో కంగనాకి సినిమా లేకుండా పోయింది. ఇక తప్పక, హీరోయిన్ ఓరియెంటెడ్ సినిమాలు చేసుకుంటూ ముందుకు పోతుంది.
అందుకే, భవిష్యత్తులో ఇక సినిమాలు ఉండవు అని, మొత్తమ్మీద రాజకీయాల్లోకి కూడా ఎంట్రీ ఇవ్వడానికి ఉత్సాహం చూపిస్తోంది. బీజేపీ తరఫున కాస్త గట్టిగానే మాట్లాడుతుంది. పైగా భక్తి, హిందూమత ధార్మిక ప్రచారం అంటూ హడావిడి కూడా చేసుకుంటూ ముందుకు పోతుంది. అన్నట్టు ఈ ఏడాది పెళ్లి కూడా చేసుకోవాలని ప్లాన్ చేసుకుంది. ఏది ఏమైనా బూతుల హీరోయిన్ రాహు కేతు పూజలు చేయడం విచిత్రమే.
Also Read: చరణ్ నాలో సగ భాగం.. ఎన్టీఆర్ ఎమోషనల్ స్పీచ్!
