Raakasa Movie Trailer Review: ‘మ్యాడ్’, ‘మ్యాడ్ స్క్వేర్’ వంటి చిత్రాల్లో హీరోగా నటించి సూపర్ హిట్స్ ని అందుకొని యూత్ లో తన కామెడీ టైమింగ్ తో ప్రత్యేకమైన క్రేజ్ ని సంపాదించుకున్న హీరో సంగీత్ శోభన్ నటించిన లేటెస్ట్ చిత్రం ‘రాకాస’ వచ్చే నెల ౩వ తేదీన విడుదల అవ్వబోతున్న సందర్భంగా ఈ చిత్రానికి సంబంధించిన థియేట్రికల్ ట్రైలర్ ని కాసేపటి క్రితమే విడుదల చేశారు మేకర్స్. నిహారిక కొణిదెల నిర్మాతగా వ్యవహరిస్తున్న రెండవ చిత్రమిది. ఆమె నిర్మాతగా వ్యవహరించిన ‘కమిటీ కుర్రాళ్ళు’ చిత్రం కమర్షియల్ గా పెద్ద బ్లాక్ బస్టర్ హిట్ గా నిల్చిన సంగతి మన అందరికీ తెలిసిందే. ఈరోజు విడుదల చేసిన ట్రైలర్ ని చూస్తుంటే మరో హిట్ ఆమె ఖాతాలోకి వచ్చి చేరేలా అనిపిస్తోంది. ఇందులో హీరోయిన్ గా నయన్ సారికా నటించింది.
Also Read: ప్రియుడి కోసం ఏకంగా తల్లినే.. వామ్మో ఇటువంటి కూతురు పుట్టనే కూడదు
‘క’, ‘ఆయ్’, ‘విష్ణు విన్యాసం’ వంటి సూపర్ హిట్ చిత్రాల తర్వాత ఆమె హీరోయిన్ గా నటిస్తున్న చిత్రమిది. అదే విధంగా గెటప్ శ్రీను కూడా ఈ చిత్రం లో కీలక పాత్ర పోషిస్తున్నాడు. ఇక ఈ ట్రైలర్ ని చూసిన తర్వాత , ఈ సినిమా కథ విషయం లో ఒక అంచనా వేయాల్సి వస్తే, ఒక ఊరిలో ఒక రాక్షసుడు ఉంటాడు, అతనికి ప్రతీ రోజు బలి ఇవ్వాల్సిందే. పశువులు ఉంటే పశువులు, లేదంటే మనిషి , ప్రతీ రోజు ఇతనికి ఆహారం. అనుకోకుండా హీరో మరియు అతని గ్యాంగ్ కలిసి ఈ రాక్షసుడు ఉండే ప్రదేశానికి వెళ్తారు, అక్కడ జరిగిన సంఘటనల ఆధారంగానే ఈ సినిమాని తీసినట్టు తెలుస్తోంది. ట్రైలర్ ని చూస్తుంటే ఈ సినిమా నిర్మాణం లో క్వాలిటీ పరంగా నిర్మాత నిహారిక కొణిదెల ఎక్కడా తగ్గినట్టు అసలు అనిపించడం లేదు. VFX వర్క్ చాలా చక్కగా కుదిరింది. అదే విధంగా కథ కూడా చాలా ఆసక్తికరంగా ఉంది.
ఇలాంటి కథలతో ఈమధ్య కాలం లో ఒక్క సినిమా కూడా రాలేదు. సంక్రాంతి తర్వాత సరైన సినిమా రావడం లేదని బాధపడుతున్న ప్రేక్షకులకు , ఈ చిరం విందు భోజనం లాగా మారే అవకాశాలు కూడా ఉన్నాయి. సంగీత్ శోభన్ అంటే కచ్చితంగా అతని నుండి కామెడీ ని ఆశిస్తారు. ఈ ట్రైలర్ ని చూసిన తర్వాత తన మార్క్ కామెడీ ఈ చిత్రం లో కచ్చితంగా ఉంటుందని తెలుస్తోంది . ముఖ్యంగా ట్రైలర్ చివర్లో సంగీత్ శోభన్ పలికిన డైలాగ్స్ చాలా ఫన్నీ గా అనిపించాయి. ఇక గెటప్ శ్రీను కూడా తన మార్క్ కామెడీ టైమింగ్ తో అదరగొట్టేసాడని తెలుస్తోంది. మరి సినిమాలో అది ఎంత వరకు వర్కౌట్ అవుతుందో చూడాలి. సోషల్ మీడియా లో భారీ గా క్లిక్ అయినా ఈ ట్రైలర్ ని మీకోసం క్రింద అందిస్తున్నాము చూడండి .
