Pushpaka Vimanam Movie: దొరసాని సినిమాతో ప్రేక్షకులకు పరిచయమై.. మిడిల్ క్లాస్ మెలొడీస్తో టాలీవుడ్లో మంచి హిట్ కొట్టాడు విజయ్ దేవరకొండ తమ్ముడు ఆనంద్ దేవరకొండ. తాజాగా ఆనంద్ దేవరకొండ హీరోగా నటించిన మూడో సినిమా ‘పుష్పక విమానం’. దామోదరను దర్శకుడిగా పరిచయం చేస్తూ… విజయ్ దేవరకొండ సమర్పణలో ఈ చిత్రాన్ని రూపొందించారు. ‘కింగ్ అఫ్ ది హిల్’ ప్రొడక్షన్ మరియు టాంగా ప్రొడక్షన్స్ బ్యానర్ల మీద విజయ్ తండ్రి గోవర్ధన్ రావు దేవరకొండ, విజయ్ దషి, ప్రదీప్ ఎర్రబెల్లి మూవీ ని నిర్మించారు. నవంబర్ 12న థియేటర్లలోకి వచ్చిన ‘పుష్పక విమానం’ మంచి రెస్పాన్స్ తెచ్చుకుంది.
కాగా ఇప్పుడు తొలి తెలుగు ఓటీటీ ‘ఆహా’ లో ప్రేక్షకులను అలరించనుంది. డిసెంబర్ 10 వ తేదీ నుంచి ఆహాలో సందడి చేసేందుకు ఈ మూవీ సిద్దమైంది. సరిగ్గా నాలుగు వారాల తర్వాత ఈ సినిమాను ‘ఆహా’ లో రిలీజ్ చేస్తున్నారు చిత్ర బృందం. ఇటీవల ‘సర్కార్’, ‘చెఫ్ మంత్ర’ వంటి క్రేజీ షోలు, ‘3 రోజెస్’ వంటి ట్రెండీ సిరీస్‌తో పాటు.. ‘లవ్ స్టోరీ’, ‘మోస్ట్ ఎలిజిబుల్ బ్యాచ్‌లర్’ వంటి సూపర్ డూపర్ సినిమాలతో తమ ఆడియన్స్‌కి మరింత ఎంటర్‌టైన్‌మెంట్ అందిస్తూ దూసుకుపోతోంది ‘ఆహా’. బ్లాక్‌బస్టర్ సినిమాలు, ట్రెండీ వెబ్ సిరీస్, సెలబ్రిటీ టాక్ షోస్, బాలకృష్ణ లాంటి స్టార్ హీరోతో ‘అన్‌స్టాపబుల్’ షో ప్లాన్ చేసి మరోసారి టాక్ ఆఫ్ ది ఇండస్ట్రీగా మారింది. ఇటీవల 2.ఓ అంటూ అప్‌డేటెడ్ వెర్షన్‌తో ప్రేక్షకులకు మరింత వినోదాన్ని పంచుతూ డిజిటల్ రంగంలో అగ్రగామిగా దూసుకుపోతోంది ఆహా.
