Pushpa: సెన్సేషనల్ డైరెక్టర్ సుకుమార్ దర్శకత్వంలో తెరకెక్కుతున్న చిత్రం” పుష్ప”. ఈ చిత్రంలో ఐకాన్ స్టార్ అల్లు అర్జున్ హీరోగా, కన్నడ బ్యూటీ రష్మిక మందన్నా హీరోయిన్ గా నటిస్తున్నారు. సుకుమార్ – అల్లు అర్జున్ కాంబోలో వస్తున్న ఈ హ్యాట్రిక్ మూవీపై భారీ అంచనాలు నెలకొన్నాయి. దేవీ శ్రీ ప్రసాద్ ఈ చిత్రానికి సంగీతాన్ని అందిస్తున్నారు. ఇప్పటికే విడుదలైన పోస్టర్స్ , పాటలు ఈ సినిమాపై ప్రేక్షకుల్లో భారీ అంచనాలను పెంచాయి. మైత్రి మూవీ మేకర్స్ పతాకంపై ఈ చిత్రాన్ని భారీ బడ్జెట్ తో నిర్మిస్తున్నారు. పాన్ ఇండియా లెవెల్లో రూపొందుతున్న ఈ మూవీ కోసం అల్లు అర్జున్ అభిమానులు ఎంతగానో ఎదురు చూస్తున్నారు.
కాగా, సినిమా విడుదల దగ్గరపడుతుండటంతో.. మేకర్స్ ప్రమోషన్స్కు సర్వం సిద్ధం చేస్తున్నట్లు సమాచారం. ముఖ్యంగా నార్ ఆడియన్స్కు దగ్గరయ్యేవిధంగా పనులు మొదలుపెట్టినట్లు తెలుస్తోంది. ఇప్పటికే బాలీవుడ్లో హిందీ పర్షన్ టీజర్ను థియేట్రికల్గా చూపించడం స్టార్ట్ చేశారు. అల్లు అర్జున్ ఈ సినిమాతోనే బాలీవుడ్లో అడుగుపెడుతున్నాడు. ఈ క్రమంలోనే బన్నీ కెరీర్లో హిందీ మార్కెట్ చాలా కీలకంగా మారింది. మరోవైపు ఇటీవలే ఈ సినిమాను హిందీలో రిలీజ్ చేయడంపై తలెత్తిన వివాదం కూడా తీరిపోవడంతో సినిమాపై భారీగా అంచనాలు నెలకొన్నాయి.
మరి ఇన్ని ఎక్స్పెక్టేషన్స్ మధ్య సినిమా ఎలా సక్సెస్ అవుతుందో తెలియాలంటే.. విడుదలయ్యేంత వరకు వేచి చూడాల్సిందే. డిసెంబరు 17న ప్రపంచవ్యాప్తంగా ఈ సినిమా ప్రేక్షకుల ముందుకు రానుంది. మరోవైపు ఇందులో సమంత కూడా నటిస్తుండటం విశేషంగా మారింది. ఈ సినిమాలో ఐటెం సాంగ్లో సామ్ కనిపించనుంది.
