Pushpa: ఐకాన్స్టార్ అల్లు అర్జున్ హీరోగా దర్శకుడు సుకుమార్ ప్రతిష్టాత్మకంగా తెరకెక్కిస్తోన్న సినిమా పుష్ప. ఎర్రచందనం స్మగ్లింగ్ నేపథ్యంలో సాగే ఈ కథలో బన్నీ ఓ పల్లెటూరి మొరటోడి లుక్లో కనిపించనున్నారు. సుకుమార్ తొలిసారి పాన్ఇండియా స్థాయిలో తెరకెక్కిస్తోన్న సినిమా ఇది. ఇందులో రష్మిక హీరోయిన్గా కనిపించనుంది. కాగా, ఇందులో సమంత ఓ స్పెషల్ సాంగ్లో కనిపించనున్న సంగతి తెలిసిందే. ఈ క్రమంలోనే ఈ సినిమాలోని ఐటెం సాంగ్పై ప్రేక్షకుల్లో ఆసక్తి పెరిగింది.
కాగా, ఈ పాట షూటింగ్కు సంబంధించి తాజా అప్డేట్ వచ్చింది. ప్రస్తుతం హైదరాబాద్లోని రామోజీ ఫిల్మ్సిటీలో ప్రత్యేకంగా వేసిన సెట్ లో ఈ సాంగ్ చిత్రీకరణ జరుగుతోందట. ఈ పాటకు గణేశ్ ఆచార్య కొరియోగ్రఫీ చేస్తున్నారు. దీనికోసం రాక్ స్టార్ దేవీశ్రీ ప్రసాద్ ఒక అదిరిపోయే ట్యూన్ కంపోజ్ చేసినట్లు తెలుస్తోంది. ఈ పాట కోసం సామ్ భారీ రెమ్యునరేషన్ తీసుకున్నట్లు తెలుస్తోంది. మరి ఇన్ని అంచనాల మధ్య ఈ పాట అభిమానులన్ని ఎలా అలరిస్తుందో చూడాలి.
రెండు భాగాలుగా తెరకెక్కుతోన్న ఈ సినిమా.. తొలి భాగాన్ని డిసెంబరు 17వ విడుదల చేయనున్నారు. దేవిశ్రీ ప్రసాద్ సంగీతం అందిస్తున్నారు. ఇప్పటికే విడుదలైన పోస్టర్లు, పాటలు సినిమాపై మంచి హైప్ క్రియేట్ చేశాయి. మరి అనుకున్న అంచనాలను చేరుకుంటుదో లేదో చూడాలి. మరోవైపు ఈ సినిమా ట్రైలర్ను డిసెంబరు 6న విడుదల చేయనున్నట్లు ఈ రోజు ప్రకటించింది చిత్రబృందం. దీంతా ట్రైలర్ ఎప్పుడెప్పుడు వస్తుందా అని ఆసక్తిగా ఎదురుచూస్తున్నారు బన్నీ ఫ్యాన్స్.