Punith Rajkumar: కన్నడ పవర్ స్టార్ పునీత్ రాజ్కుమార్ ఇటీవలే గుండెపోటుతో మరణించిన సంగతి తెలిసిందే. ఆయన మరణంతో సినీ పరిశ్రమతో పాటు, అభిమానులకు తీరని లోటుగా మారింది. ఇకపై ఆయన లేరనే విషయాన్ని కన్నడిగులు జీర్ణించుకోలేకపోతున్నారు. కాగా, ఈ క్రమంలోనే జనాల్లో ఆయన చిరస్థాయిగా నిలిచిపోయేలా.. పునీత్ బయోపిక్ను తెరకెక్కించాలని పలువురు భావిస్తున్నట్లు ఇండస్ట్రీలో టాక్ వచ్చింది. తాజాగా, పునీత్కు భారీ హిట్లు తెచ్చి పెట్టిన దర్శకుడు సంతోష్ను ఉద్దేశిస్తూ.. పునీత్ అభిమాని ట్విట్టర్ వేదికగా తన మనసులో మాట చేప్పారు.
ఈ క్రమంలోనే ట్విట్టర్లో ఆయనను టాక్ చేస్తూ.. సర్.. అప్పు బయోపిక్ తీయండి ప్లీస్. ఆయన్ను దగ్గరనుంచి చూసిన వ్యక్తి మీరు. ఆయన గురించి మీరు తప్ప ఇంకెవరూ గొప్పగా తీయలేదు.. ఆయన ప్రేమ, విలువలు మీకు బాగా తెలుసు.. దయచేసి అప్పు బయోపికై ఓ కన్నేయండి సర్. అంటూ కోరాడు. అయితే, దీనిపై స్పందించిన సంతోష్.. కచ్చితంగా ఆయన అభిమానుల కోరికను నెరవేర్చేందుకు ప్రయత్నిస్తానంటూ బదులిచ్చారు.
https://twitter.com/SanthoshAnand15/status/1462263110417272834?s=20
ప్రస్తుతం ఈ ట్వీట్ నెట్టింట వైరల్గా మారింది. కాగా, సంతోష్ దర్శకత్వంలో పునీత్ ‘రాజా కుమార’, ‘యువరత్న’ సినిమాల్లో నటించారు. పునీత్ కెరీర్లోనే రాజకూమార బిగ్గెస్ట్ హిట్గా నిలిచింది. మరోవైపు యువరత్న సినిమాతోనే పునీత్ తెలుగు ప్రేక్షకులకు ఇంకా దగ్గరయ్యారు. ఈ క్రమంలోనే సంతోష్ కానీ పునీత్ బయోపిక్ తీస్తే.. అభిమానులకు మర్చిపోలేని బహుమతిగా మిగిలిపోతుందని అందరూ భావిస్తున్నారు.