బాలయ్యకి మంచి హీరోయినే దొరికింది !

నటసింహం బాల‌కృష్ణకు గత కొన్ని సినిమాలుగా హీరోయిన్ సమస్య ఉన్న సంగతి తెలిసిందే. ప్రస్తుతం ఆయన బోయపాటితో చేస్తోన్న కొత్త సినిమాలో అదిగో హీరోయిన్ అంటూ ఇప్పటికే అర‌డ‌జ‌ను మంది హీరోయిన్ల పేర్లు వినిపించాయి. కానీ, వాళ్లల్లో ఒక్కరు కూడా బాలయ్య సినిమాలో హీరోయిన్ గా ఫైనల్ కాలేదు. దాంతో మాస్ డైరెక్టర్ బోయపాటి శ్రీను, హీరోయిన్ కోసం ఆడిషన్స్ తీసుకుని మొత్తానికి ఓ కొత్త హీరోయిన్ ను ఫైనల్ చేశాడు. ఆమెకు కొన్ని వర్క్ షాప్స్ కూడా నిర్వహించారు. కానీ, బాలయ్య పక్కన నటించబోతున్న ఆ హీరోయిన్ ఎవరనేది ఇంతవరకూ బయటకు రాలేదు.

Also Read: సీనియర్ హీరోలకు ‘కరోనా’ గుబులు తీరేదెన్నడూ?

ఇంతకీ ఆమె ఓ మలయాళ బ్యూటీ అని తెలుస్తోంది. పేరు ప్రగ్యా మార్టిన్ అట. బాలయ్య సరసన ఈమెనే హీరోయిన్ గా కన్ఫర్మ్ చేసినట్టు వార్తలొస్తున్నాయి. అయితే ఈ వార్తకు సంబంధించి చిత్ర యూనిట్ ఇంకా అధికారికంగా ప్రకటించలేదు అనుకోండి. కానీ బోయపాటి నిర్వహిస్తోన్న వర్క్ షాప్స్ లో ప్రగ్యా మార్టిన్ ప్రతి రోజూ పాల్గొంటుందట. ఇంతకీ ఈ ప్రగ్యా మార్టిన్ ఎవరూ అనుకుంటున్నారా.. ఈమె గతంలో మలయాళంతో పాటు తమిళంలో కూడా నటించింది. మిస్కిన్ దర్శకత్వంలో వచ్చిన తమిళ సినిమా ‘పిశాసు’తో హీరోయిన్ గా ఎంట్రీ ఇచ్చింది. పైగా ఈ సినిమాకిగానూ ప్రగ్యా మార్టిన్ బెస్ట్ డెబ్యూ హీరోయిన్ గా కూడా అవార్డ్ కూడా అందుకుంది.

Also Read: అమ్మ లేకపోతే చనిపోయేదాన్ని.. దేత్తడి హారిక కన్నీటి గాథ..!

కాగా ప్రగ్యా మార్టిన్ లుక్స్ పరంగా బాగానే ఆకట్టుకుంటుంది. పైగా టాలీవుడ్ సీనియర్ స్టార్ హీరోలకి హీరోయిన్ గా మంచి చాయిస్ అయ్యేలా కనిపిస్తోంది.మరి ప్రగ్యా మార్టిన్ నిజంగా బాలయ్య సరసన హీరోయిన్ గా సక్సెస్ అయితే.. ఆమెకు నాగార్జున, వెంకటేష్ లాంటి హీరోల సరసన కూడా అవకాశాలు వచ్చే అవకాశం ఉంది. ఏది ఏమైనా ద‌క్షిణాది మొత్తం గాలించి బాలయ్యకు హీరోయిన్ ఈ బ్యూటీని పట్టుకొచ్చారు. ఎంతకాదు అనుకున్నా ఒకప్పుడు టాప్ హీరోల్లో ఒకడిగా వెలిగిపోయిన బాలయ్య బాబుకి హీరోయిన్ గా అంటే.. అది ఆమెకు తెలుగులో మంచి లాంచింగే. ఇక ఇప్పటికే రిలీజ్ అయిన ఈ సినిమా టీజర్ లో బాలయ్య ఎప్పటిలాగే, రొటీన్ పవర్ ఫుల్ డైలాగ్ చెప్పి అభిమానులను ఫుల్ గా అలరించాడు. టీజర్ చూశాక, ఎప్పటిలాగే ఈ సినిమా కూడా ఫుల్ మాస్ అండ్ యాక్షన్ డ్రామాతో రాబోతుందని అర్ధమవుతుంది.