‘గ్యాంగ్ లీడర్’ మూవీతో ప్రియాంక అరుళ్ మోహన్ తెలుగు ప్రేక్షకులకు పరిచమైంది. హీరో నానికి జోడిగా నటించి మెప్పించింది. సంప్రదాయ దుస్తుల్లో కనిపించి టాలీవుడ్ ప్రేక్షకులను మెస్మరైజ్ చేసింది ప్రియాంక. తాజాగా ఈ భామ అందాల అరబోతకు సిద్ధమవుతోంది. నితిన్ హీరోగా తెరకెక్కుతున్న ‘అంధాధున్’ తెలుగు రీమేక్లో ప్రియాంక అరుళ్ మోహన్ గ్లామర్ చూపించేందుకు రెడీ అవుతోంది. దీంతో ఆమె అభిమానులు ఖుషీ అవుతున్నారు.
సినీ పరిశ్రమలో గ్లామర్ హీరోయిన్లకే ఎక్కువ అవకాశాలు దక్కుతాయనడంలో సందేహం లేదు. నటనకుతోడు గ్లామర్ తోడైతే ఆ హీరోయిన్ స్టార్డమ్ రావడం ఖాయం. గ్లామర్ హీరోయిన్లకే ఫ్యాన్ ఫాలోయింగ్ అధికంగా ఉంటుందని ప్రత్యేకంగా చెప్పనక్కర్లేదు. అందుకే ఇప్పటివరకు నటనకే ప్రాధాన్యం ఇచ్చిన హీరోయిన్లు కూడా గ్లామర్ బాట పడుతోన్నారు. ఇప్పటివరకు సంప్రదాయ దుస్తుల్లో అలరించిన ప్రియాంక అరుళ్ మోహన్ తాజాగా అందాల అరబోతకు సిద్ధమవుతోంది.
నితిన్ హీరోగా నటిసున్న ‘అంధాదున్’ రీమేక్ కోసం ప్రియాంక పేరును దర్శక, నిర్మాతలు పరిశీలిస్తున్నారు. ఈమేరకు ఆమెను సంప్రదించగా నితిన్ కు జోడీగా నటించేందుకు ఆమె గ్రీన్ సిగ్నల్ ఇచ్చినట్లు తెలుస్తోంది. బాలీవుడ్ ‘అంధాదున్’ మూవీలో హీరోహీరోయిన్ల మధ్య బోల్డ్ సీన్స్ తెలిసే ప్రియాంక గ్రీన్ సిగ్నల్ ఇచ్చినట్లు ప్రచారం జరుగుతుంది. తెలుగులోనూ ఈ తరహా బోల్డ్ సీన్లను నితిన్-ప్రియాంక మధ్య తెరకెక్కించేందుకు దర్శకుడు మేకపాటి గాంధీ ప్లాన్ చేస్తున్నాడట. సీనియర్ హీరోయిన్ రమ్యకృష్ణ ఓ కీలక పాత్రలో నటించనున్నట్లు తెలుస్తోంది. ఎట్టకేలకు గ్లామర్ బాటపట్టిన ప్రియాంకకు ఈ చిత్రం బిగ్గెస్ట్ హిట్టు అందిస్తుందో లేదో వేచి చూడాల్సిందే..!
