షాహిద్ కపూర్ తోనా.. ఎన్టీఆర్ ‌తోనా ?

సౌత్ డైరెక్టర్స్ లో రాజమౌళి తరువాత.. ఆ రేంజ్ డైరెక్టర్ ఎవరు అంటే.. బాలీవుడ్ జనాలు చెప్పే మొట్ట మొదటి పేరు ‘ప్రశాంత్ నీల్’. ప్రశాంత్ ద‌ర్శ‌క‌త్వంలో రాకింగ్ స్టార్ యశ్ కథానాయకుడిగా నటించిన కేజీఎఫ్ చాప్టర్- 1 క్రియేట్ చేసిన రికార్డ్స్ గురించి తెలిసిందే. ప్ర‌పంచ‌వ్యాప్తంగా బాక్సాఫీస్ వద్ద ఈ యాక్షన్ డ్రామా దాదాపు 250 కోట్ల‌ వసూళ్లు సాధించిందంటే.. అది ప్రశాంత్ గొప్పతనమే. దాంతో సహజంగానే ప్రశాంత్ నీల్ కి మంచి డిమాండ్ ఏర్పడింది పాన్ ఇండియా లెవల్లో. అయితే ప్రశాంత్ నీల్ నెక్స్ట్ సినిమా ఎన్టీఆర్‌తోనా లేక బాలీవుడ్ స్టార్ షాహిద్ కపూర్ తోనా. ఇప్పటికే ప్రశాంత్ నీల్ ఎన్టీఆర్ హీరోగా మైత్రి మూవీ మేకర్స్ నిర్మాణంలో సినిమా చేస్తారని ఫిక్స్ అయ్యారు.

Also Read: పూజా హెగ్డేకి 2 కోట్లు కావాలట !

ఆ మేరకు చర్చలు కూడా జరిగాయి. దాదాపు ఈ కాంబినేషన్ కన్ఫర్మ్ అని అనుకున్నారంతా. కానీ, అంతలో షాహిద్ కపూర్ తో ప్రశాంత్ నీల్ సినిమా ఉంటుందని ఇటీవలే కొత్త చర్చ మొదలైంది. కాగా తాజాగా ప్రశాంత్ షాహిద్ కపూర్ ని మీట్ అవ్వనున్నారని, కథ చెప్పడానికే కలుస్తున్నాడని బాలీవుడ్ మీడియాలో ఓ వార్త తెగ హల్ చల్ చేస్తోంది. ఈ వార్త నిజం అయితే ఎన్టీఆర్ అభిమానుల్లో కలవరం మొదలైనట్టే. ఎందుకంటే ఎన్టీఆర్ మాస్ ఇమేజ్ కి, ప్రశాంత్ లాంటి డైరెక్టర్ పడితే.. ఇక ఆ సినిమా ఏ రేంజ్ లో ఉంటుందో ప్రత్యేకంగా చెప్పక్కర్లేదు.

Also Read: కులాంత‌ర ప్రేమ‌క‌థతో అల్లు అరవింద్ ఫెయిల్ !

ఏది ఏమైనా ‘కె.జి.ఎఫ్ 2’ పూర్తై ప్రశాంత్ నీల్ మరో సినిమా మొదలుపెట్టేనాటికి వచ్చే యేడాది ఆఖరు అవుతుంది. మరి అప్పుడు ఏ హీరో ఖాళీగా ఉంటాడో.. ఆ హీరోతో సినిమా ఫైనల్ చేస్తాడా లేక ఎన్టీఆర్ తోనే తన తరువాత సినిమాని ప్లాన్ చేస్తాడా అనేది చూడాలి. ఇక ప్రస్తుతం ప్రశాంత్ నీల్ తెరకెక్కిస్తున్న కేజీఎఫ్ అంటే కోలార్ బంగారు గ‌నులు. ద‌శాబ్ధాల క్రితం కోలార్ బంగారు గ‌నుల పై మాఫియా కన్ను ఎలా ఉండేది అనే క‌థతో ఈ చిత్రం తెర‌కెక్కుతోంది.