Prabhas Fauji: ‘ఆచార్య’ చిత్రం మెగాస్టార్ చిరంజీవి కెరీర్ లోనే ఘోరమైన డిజాస్టర్ ఫ్లాప్ అనే విషయం అందరికీ తెలిసిందే. ఈ సినిమా పేరు తీస్తే అభిమానులు మహా పాపం లాగా భావిస్తుంటారు. వాళ్లకు ఆ స్థాయి పీడకల గా మారింది ఈ చిత్రం. అంతే కాకుండా అప్పటి వరకు ఒక్క ఫ్లాప్ కూడా లేకుండా ఇండస్ట్రీ లో దూసుకెళ్తున్న డైరెక్టర్ కొరటాల శివ సక్సెస్ స్ట్రీక్ కి కూడా ఈ సినిమా అడ్డుకట్ట వేసింది. రామ్ చరణ్ కి కూడా #RRR తర్వాత ఈ సినిమా ఒక చేదు అనుభవాన్ని మిగిలించింది. ఇలా ఇంతమందికి చేదు అనుభవాన్ని మిగిలించిన ఈ సినిమా , ఇతర చిత్రాలకు ఉపయోగపడుతోంది. పూర్తి వివరాల్లోకి వెళ్తే ఈ సినిమా సెట్స్ ని ఇంకా పీకేయలేదు. ఇప్పటికీ పెద్ద సినిమాలకు సంబంధించిన షూటింగ్స్ కోసం ఈ మూవీ సెట్స్ ని వాడుకుంటూ ఉన్నారు. గతం లో ఇక్కడ ఎన్నో సినిమాల షూటింగ్స్ జరిపారు.
ఇప్పుడు లేటెస్ట్ గా ప్రభాస్ ‘ఫౌజీ’ మూవీ షూటింగ్ ఈ సెట్స్ లో జరగబోతోంది. ఈ నెల 10 నుండి సినిమాకు సంబంధించిన ఇంటర్వ్యూ ఎపిసోడ్ ని షూట్ చేయనున్నారు మేకర్స్. షూట్ కి వెళ్లే ముందు రిహార్సల్స్ నిర్వహిస్తారట. అన్నీ పర్ఫెక్ట్ గా కుదిరిన తర్వాత షూటింగ్ మొదలుపెడుతారట. సినిమాకు పెద్ద హైలైట్ గా నిలవబోతున్న ఈ భారీ ఇంటర్వెల్ యాక్షన్ సన్నివేశాన్ని ఫైట్ మాస్టర్స్ రామ్ లక్షణ్ నేతృత్వం వహించనున్నారు. ఈ ఇంటర్వెల్ బ్యాంగ్ లో యాక్షన్, ఎలివేషన్ తో పాటు, ఎమోషన్స్ కూడా గట్టిగా ఉంటాయట. నిన్న మొన్నటి వరకు ప్రభాస్ కెరీర్ లో బెస్ట్ ఇంటర్వెల్ బ్యాంగ్ ఏంటి అని అడిగితే, కొంతమంది ఛత్రపతి అని చెప్పేవారు , మరికొంతమంది సలార్, మిర్చి , రెబల్, బాహుబలి 2 పేర్లు చెప్పేవారు , ఇక నుండి ‘ఫౌజీ’ పేరు చెప్తారట.
ఆ రేంజ్ లో ఈ సీక్వెన్స్ ని డైరెక్టర్ హను రాఘవపూడి డిజైన్ చేసినట్టు సమాచారం. ప్రస్తుతం ప్రభాస్ ‘స్పిరిట్’ మూవీ షూటింగ్ లో ఫుల్ బిజీ గా ఉన్నారు. ఇప్పుడు ఆయన ఆ చిత్రానికి కాస్త గ్యాప్ ఇచ్చి ‘ఫౌజీ’ పై ఫోకస్ పెట్టనున్నారు. వచ్చే నెలాఖరు లోపు ఈ సినిమా షూటింగ్ మొత్తాన్ని పూర్తి చేసి డిసెంబర్ మొదటి వారం లో విడుదల చెయ్యాలనే ప్లాన్ లో ఉన్నారు. ఒకవేళ డిసెంబర్ మిస్ అయితే , వచ్చే ఏడాది సమ్మర్ లో విడుదల చేస్తారట. కానీ అదే సమ్మర్ కానుకగా ప్రభాస్ ‘స్పిరిట్ ‘ చిత్రం మార్చి 5 న విడుదల కాబోతుంది. మరి ఈ రెండు సినిమాల మధ్య ఎంత గ్యాప్ ఉండనుందో చూడాలి.
