Darling Re Release Collections: వరుసగా మాస్ సినిమాలు చేస్తూ, మాస్ లో విపరీతమైన ఫ్యాన్ ఫాలోయింగ్ ని సంపాదించుకున్న ప్రభాస్(Rebel Star Prabhas) , ఆ రోజుల్లో డార్లింగ్ లాంటి సాఫ్ట్ లవ్ స్టోరీ చేయడం అందరిని సర్ప్రైజ్ కి గురి చేసిన విషయం. ఒక మాస్ హీరో ఇలాంటి క్లాస్ మూవీ చేస్తే , బాక్స్ ఆఫీస్ వద్ద అనుకున్నంత పెర్ఫార్మన్స్ రాదు అనేది వాస్తవం. ‘డార్లింగ్’ విషయంలో కూడా అదే జరిగింది. సాధారణమైన అంచనాల నడుమ విడుదలైన ఈ చిత్రానికి పాజిటివ్ టాక్ వచ్చినప్పటికీ కూడా 20 కోట్ల రూపాయిల షేర్ వసూళ్లు మాత్రమే వచ్చాయి. కానీ కాలం గడిచే కొద్దీ ఈ సినిమాకు నేటి తరం జెన్ జీ ఆడియన్స్ లో మంచి క్రేజ్ ఏర్పడింది. ఆ క్రేజ్ కారణంగానే ఈ చిత్రాన్ని రీ రిలీజ్ చెయ్యాలనే డిమాండ్ విపరీతంగా ఏర్పడింది.
అలా భారీ అంచనాల నడుమ రీసెంట్ గానే విడుదలైన ఈ రీ రిలీజ్ కి ఫ్యాన్స్, ఆడియన్స్ బ్రహ్మరథం పట్టారు. 6 రోజుల థియేట్రికల్ రన్ ని పూర్తి చేసుకున్న ఈ చిత్రానికి ప్రాంతాల వారీగా ఎంత గ్రాస్ వచ్చిందో ఒకసారి చూద్దాం. నైజాం ప్రాంతం నుండి ఈ చిత్రానికి 4 కోట్ల రూపాయిల గ్రాస్ వసూళ్లు రాగా, సీడెడ్ ప్రాంతం నుండి 53 లక్షలు , ఆంధ్ర ప్రదేశ్ ప్రాంతం నుండి 2 కోట్ల 35 లక్షల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి తెలుగు రాష్ట్రాల నుండి 6 కోట్ల 88 లక్షల రూపాయిల గ్రాస్ వసూళ్లు వచ్చాయి. అదే విధంగా కర్ణాటక + రెస్ట్ ఆఫ్ ఇండియా నుండి ఈ చిత్రానికి 90 లక్షల రూపాయిల గ్రాస్ వసూళ్లు రాగా, ఓవర్సీస్ నుండి 48 లక్షలు వచ్చాయి. ఓవరాల్ గా ఈ చిత్రానికి 8 కోట్ల 36 లక్షల రూపాయిల గ్రాస్ వసూళ్లు వచ్చాయి.
అయితే ఈ చిత్రం కచ్చితంగా 10 కోట్ల రూపాయిల గ్రాస్ వసూళ్లను రాబడుతుందని ట్రేడ్ విశ్లేషకులు అనుకున్నారు. కానీ ఆ రేంజ్ గ్రాస్ వచ్చే పరిస్థితులు మాత్రం ప్రస్తుతానికి కనిపించడం లేదు. తెలంగాణ, కోస్తాంధ్ర, రెస్ట్ ఆఫ్ ఇండియా ప్రాంతాల్లో అద్భుతమైన వసూళ్లు నమోదు అయ్యాయి కానీ, ఓవర్సీస్ , సీడెడ్ ప్రాంతాల్లో మాత్రం ఈ సినిమాకు చాలా తక్కువ వసూళ్లు వచ్చాయని , అందుకే 10 కోట్ల టార్గెట్ మిస్ అయ్యిందని అంటున్నారు. ప్రస్తుతానికి ‘ఖలేజా’ చిత్రం 10 కోట్ల 54 లక్షల రూపాయిల గ్రాస్ తో నెంబర్ 1 స్థానం లో ఉంది, ఈ రికార్డు ని ఇప్పట్లో ఎవ్వరు ముట్టుకోలేరేమో, ఆగస్టు మరియు సెప్టెంబర్ నెలల్లో పవన్ కళ్యాణ్ , మహేష్ బాబు పుట్టిన రోజు సందర్భంగా విడుదల చేయబోయే సినిమాలు ఈ రికార్డు ని అందుకునే అవకాశాలు ఉన్నాయి .
