Posani Krishna Murali: గత వైసీపీ ప్రభుత్వం లో పోసాని కృష్ణ మురళి రాజకీయంగా , సినిమాల పరంగా ఎంత యాక్టీవ్ గా ఉండేవారో ప్రత్యేకించి చెప్పనవసరం లేదు. ముఖ్యంగా జగన్ కి సపోర్టు గా నిలుస్తూ , ఆయనపై ఎవరైనా విమర్శలు చేస్తే , తీవ్రమైన పదాలతో దూషించడం అలవాటు గా పెట్టుకునేవారు పోసాని. ఆ క్రమం లో ఆయన ఆంధ్ర ప్రదేశ్ ముఖ్యమంత్రి చంద్రబాబు నాయుడు , ఉప ముఖ్యమంత్రి పవన్ కళ్యాణ్ , మంత్రి నారా లోకేష్ లపై ఏ రేంజ్ లో విమర్శలు చేసేవారో ప్రత్యేకించి చెప్పనవసరం లేదు. ముఖ్యంగా పవన్ కళ్యాణ్ పై ఎవ్వరూ వినలేని భాషతో రెచ్చిపోయి , చివరికి ఆయన ఇంట్లోని ఆడవాళ్ళని సైతం బూతులు తిట్టి తన అక్కసు తీర్చునేవారు. అలా చేసినందుకు పోసాని కృష్ణమురళి దాదాపుగా 3 నెలల పాటు జైలు శిక్ష కూడా అనుభవించాల్సి వచ్చింది.
ప్రస్తుతం రాజకీయాలకు దూరంగా ఉంటూ , మళ్లీ ఆయన సినిమాల్లోకి ఎంట్రీ ఇచ్చారు. పోసాని కృష్ణ మురళి మంచి నటుడు మాత్రమే కాదు , గొప్ప దర్శకులు, రచయిత , స్క్రీన్ ప్లే రైటర్ కూడా. పవన్ కళ్యాణ్ కెరీర్ లో మొట్టమొదటి సూపర్ హిట్ ‘గోకులం లో సీత’ కి కథ , మాటలు , స్క్రీన్ ప్లే ఇచ్చింది ఆయనే. నటుడుగా పాపులర్ అయ్యాక కూడా ఆయన ‘మెంటల్ కృష్ణ’, ‘ఆపరేషన్ దుర్యోధన’ వంటి సూపర్ హిట్ చిత్రాలకు దర్శకత్వం వహించారు. ఇప్పుడు చాలా కాలం తర్వాత ఆయన దర్శకత్వం వహిస్తూ, ప్రధాన పాత్ర పోషించిన చిత్రం ‘ఆపరేషన్’. అరుణా రెడ్డి’. ఈ చిత్రం ఈ నెల 17 న ప్రేక్షకుల ముందుకు రాబోతున్న సందర్భంగా పోసాని కృష్ణ మురళి ప్రొమోషన్స్ లో భాగంగా విడుదల చేసిన ఒక వీడియో ఇప్పుడు బాగా వైరల్ గా మారింది.
ఆయన మాట్లాడుతూ ‘టీడీపీ పార్టీ వాళ్ళు , వైసీపీ పార్టీ వాళ్ళు , కమ్యూనిస్ట్ పార్టీ వాళ్ళు , కాంగ్రెస్ పార్టీ వాళ్ళు , బీజేపీ పార్టీ వాళ్ళు, మన పవన్ కళ్యాణ్ జనసేన పార్టీ వాళ్ళు, వీళ్ళందరికీ ఒకటే చెప్తున్నాను , మన అందరికీ అభిప్రాయ భేదాలు ఉన్నా సరే, నా ‘ఆపరేషన్ అరుణా రెడ్డి’ సినిమా చూస్తే నన్ను అభిమానిస్తారు’ అంటూ చెప్పుకొచ్చారు. అయితే ఈ చిత్రానికి సంబంధించిన ట్రైలర్ ని నిన్ననే విడుదల చేశారు. క్వాలిటీ షార్ట్ ఫిలిం మేకింగ్ కంటే దారుణంగా ఉంది , ‘ఆపరేషన్ దుర్యోధన’ వంటి సినిమాని తెరకెక్కించిన పోసాని నుండి ఇలాంటి క్వాలిటీ సినిమా వస్తుందని ఎవ్వరూ ఊహించలేదు. ట్రైలర్ పోసాని మార్క్ నటన కూడా కనిపించలేదు , చాలా బలహీనంగా నటించారు, మరి థియేటర్స్ లో విడుదలయ్యాక ఎలాంటి రెస్పాన్స్ ని సొంతం చేసుకుంటుందో చూడాలి.
