Bigg Boss 7 Telugu: బిగ్ బాస్ సీజన్ 7 ఏడో వారం పూజ మూర్తి ఎలిమినేట్ అయిన సంగతి తెలిసిందే.నిజానికి పూజ సీజన్ మొదట్లోనే బిగ్ బాస్ హౌస్ లోకి రావాల్సి ఉంది. కానీ ఆమె తండ్రి హఠాత్తుగా మరణించడంతో వైల్డ్ కార్డ్ తో ఎంట్రీ ఇచ్చింది. పూజ కేవలం రెండు వారాలు మాత్రమే హౌస్ లో రాణించగలిగింది. ఆమె హౌస్ లో అందరితో మంచిగా నడుచుకుంది. ఎక్కడా కూడా అదుపుతప్పి ప్రవర్తించలేదు.వివాదాలకు దూరంగా ఉంటూ గేమ్ ఆడింది.
పూజ ప్రేక్షకులకి అంతగా కనెక్ట్ కాలేదు చెప్పవచ్చు. ఆమె బిగ్ బాస్ హౌస్ లో తనకు నచ్చినట్లు ఉంటూ తన ఆటను కొనసాగించింది. ఇచ్చిన టాస్కుల్లో వంద శాతం కస్టపడి ఆడింది. పూజ మూర్తి పలు సీరియల్స్ లో నటించి మంచి గుర్తింపు తెచ్చుకుంది. బాగా ఫ్యాన్ బేస్ ఉన్న ఆమె రెండు వారాల కంటే హౌస్ లో నిలవలేకపోయింది. అలా హౌస్ లో రెండు వారాలు ఉన్న పూజ రెమ్యూనరేషన్ రూ 4 లక్షలు తీసుకున్నట్లు సమాచారం.
అంటే వారానికి రెండు లక్షలు అన్నమాట. ఇక హౌస్ లో అందరికంటే తక్కువ ప్రిన్స్ యావర్ వారానికి లక్ష రూపాయలు మాత్రమే తీసుకుంటున్నట్లు సమాచారం. ఇది పక్కన పెడితే,ఇప్పటికే బిగ్ బాస్ హౌస్ నుంచి ఏడు వారాలు వరుసగా లేడీ కంటెస్టెంట్స్ ఎలిమినేట్ అవ్వడం బిగ్ బాస్ చరిత్రలోనే ఇది మొదటి సారి జరిగింది. నిన్నటి ఎపిసోడ్ లో పూజ ని ఎలిమినేట్ చేసి రతిక ను హౌస్ లోకి పంపించారు.
దీంతో ఎనిమిదో వారం ఎవరు ఇంటి నుంచి బయటకు వెళ్తారు అనేది ఆసక్తికరంగా మారింది.దీనికి సంబంధించిన నామినేషన్ ప్రక్రియ యమ రంజుగా సాగుతుంది. కాగా ఎవరెవరు నామినేషన్ లో ఉన్నారో తెలియాలంటే ఈ రోజు ఎపిసోడ్ చూస్తే ఫుల్ క్లారిటీ వచ్చేస్తుంది.
