Peddi Trailer Review: గ్లోబల్ స్టార్ రామ్ చరణ్ హీరో గా నటించిన ‘పెద్ది’ చిత్రం వచ్చే నెల 4 న ప్రపంచవ్యాప్తంగా భారీ అంచనాల నడుమ విడుదల అవ్వబోతున్న సందర్భంగా ఈ చిత్రానికి సంబంధించిన థియేట్రికల్ ట్రైలర్ ని కాసేపటి క్రితమే విడుదల చేశారు మేకర్స్. ముంబై లో ఏర్పాటు చేసిన ఈ ఈవెంట్ లో ఈ ట్రైలర్ లాంచ్ జరిగింది. అభిమానుల్లో , ప్రేక్షకుల్లో ఈ ట్రైలర్ పై విధులకు ముందు నుండే అంచనాలు భారీ రేంజ్ లో ఉండేవి. ట్రేడ్ కూడా ఈ ట్రైలర్ పై బోలెడన్ని ఆశలు పెట్టుకుంది . ఎందుకంటే ఓవర్సీస్ లో అడ్వాన్స్ బుకింగ్స్ ఆశించిన స్థాయిలో జరగడం లేదు కాబట్టి. అయితే అంతటి అంచనాల నడుమ విడుదలైన ఈ థియేట్రికల్ ట్రైలర్ ఆడియన్స్ అంచనాలను అందుకుందా లేదా అనేది ఇప్పుడు ఈ రివ్యూ లో చూద్దాం.
ఈ ట్రైలర్ లో బుచ్చి బాబు రామ్ చరణ్ విశ్వరూపాన్ని చూపించేసాడు. ఆయన ఈ సినిమా కోసం ఎంతలా కష్టపడ్డాడో ఈ ట్రైలర్ ని చూస్తే అర్థం అవుతోంది. క్రికెట్ , కుస్తీ , రన్నింగ్ రేస్ , ఇలా అన్ని క్రీడల్లోనూ హీరో ప్రావిణ్యం ఉన్నవాడిని, సినిమాలో అతని జర్నీ ఒక ఎమోషనల్ రోలర్ కోస్టర్ లాగా ఉండబోతుందని స్పష్టంగా తెలుస్తోంది. ముఖ్యంగా ట్రైలర్ లోని చివరి 30 సెకండ్లు వేరే లెవెల్ అనే చెప్పాలి. సినిమాకు సంబంధించిన సోల్ మొత్తం ఆ 30 సెకండ్స్ లోనే ఉన్నట్లుగా తెలుస్తోంది . నటుడిగా రామ్ చరణ్ మరోసారి తన విశ్వరూపం చూపించేశాడని చెప్పొచ్చు. సినిమాలో ట్రైలర్ లో చూపించిన చివరి సెకండ్స్ లోని ఎమోషన్స్ పర్ఫెక్ట్ గా కూర్చుంటే , మరో రంగస్థలం రిపీట్ అవుతుంది అనడంలో ఎలాంటి సందేహం లేదు.
ఇక ట్రైలర్ లో మిస్ అయ్యింది ఏమైనా ఉందా అంటే , అది హై మూమెంట్స్. ఒక కమర్షియల్ స్టార్ హీరో నుండి అభిమానులు కోరుకునేది భారీ ఎలివేషన్స్ , అవి ఈ ట్రైలర్ లో కనిపించకపోవడమే పెద్ద మైనస్ అయ్యింది. అదే విధంగా జాన్వీ కపూర్ క్యారెక్టర్ కూడా బాగా చిరాకు కలిగించేలా అనిపించింది. ఇక AR రెహమాన్ పాటల్లో చూపించిన దమ్ము , బ్యాక్ గ్రౌండ్ మ్యూజిక్ లో చూపించలేదని చెప్పొచ్చు. ఓవరాల్ గా ఈ థియేట్రికల్ ట్రైలర్ యావరేజ్ రేంజ్ లో ఉంది. ఇది ఓవర్సీస్ అడ్వాన్స్ బుకింగ్స్ కి ఎంత మాత్రం ఉపయోగపడుతుందో చూడాలి. ఇకపోతే ఈ ట్రైలర్ లో శివరాజ్ కుమార్ స్పెషల్ అట్రాక్షన్ గా నిలిచాడు. కచ్చితంగా ఆయన క్యారక్టర్ బాగా పేలినట్టు ఉంది. ఇక ఈ థియేట్రికల్ ట్రైలర్ ని మీరు కూడా వీక్షించి మీ అభిప్రాయాన్ని తెలియజేయండి.
