Jagapathi Babu Look In Peddi: సుకుమార్ స్కూల్ నుండి వచ్చే ప్రతీ డైరెక్టర్, కథ కంటే ఎక్కువగా క్యారెక్టర్స్ కి ప్రాధాన్యం ఇస్తుంటారు. సుకుమార్ తన శిష్యులకు అదే నేర్పించాడు. ముఖ్యంగా ఆయన ప్రియా శిష్యుడు బుచ్చి బాబు గురువు ని తూచా తప్పకుండ అనుసరించే మనిషి. సుకుమార్ ఏ విధంగా అయితే క్యారెక్టర్స్ కి ప్రాధాన్యత ఇస్తాడో , బుచ్చి బాబు కూడా అదే విధంగా ప్రాధాన్యత ఇస్తాడు. మొదటి సినిమా ‘ఉప్పెన’ తోనే తన మార్క్ ఏంటో అందరికీ చూపించాడు. ఇప్పుడు ‘పెద్ది’ కి కూడా ఆయన అదే ఫార్ములా ని అనుసరించాడు. ఈ చిత్రంలో కేవలం రామ్ చరణ్ క్యారెక్టర్ ఒక్కటే కాదు , ప్రతీ క్యారెక్టర్ కూడా హైలైట్ అవ్వబోతుంది అని హింట్స్ ఇస్తున్నాడు. ఎల్లుండి ట్రైలర్ లో చూపించబోయే క్యారెక్టర్స్ అన్నిటిని ఆయన రోజు కి ఒకటి రివీల్ చేస్తూ వస్తున్నాడు.
ముందుగా ఈ చిత్రం లో రామ్ చరణ్ కుస్తీ గురువు గా నటించిన శివరాజ్ కుమార్ క్యారెక్టర్ ని పరిచయం చేశారు, ఆ తర్వాత మీర్జాపూర్ ఫేమ్ దివ్యేన్డు క్యారెక్టర్ ని పరిచయం చేశారు , ఇక నేడు ఈ చిత్రం లో కీలక పాత్ర పోషిస్తున్న జగపతి బాబు క్యారెక్టర్ ని పరిచయం చేశాడు . చాలా రోజుల క్రితమే జగపతి బాబు కి సంబంధించిన ఫస్ట్ లుక్ ని విడుదల చేశారు. ఇందులో ఆయన ‘అప్పలసూరి’ అనే క్యారెక్టర్ చేస్తున్నాడు. జగపతి బాబు మేక్ ఓవర్ ని చూసి అందరూ ఒక్కసారిగా షాక్ కి గురయ్యారు. అసలు చిన్నప్పటి నుండి మనం చూస్తూ పెరిగిన జగపతి బాబు ఈయనేనా?, ఇలా ఉన్నదేంటి?, బయటకు ఆయన ఆ గెటప్ లో వస్తే ఎవ్వరూ గుర్తు పట్టలేరు అంటూ కామెంట్స్ చేశారు అప్పట్లో.
అయితే నేడు ఆయన క్యారెక్టర్ కి సంబంధించిన వీడియో ని విడుదల చేయగా , ఈ క్యారెక్టర్ కోసం ఆయన ఎంత కష్టపడ్డాడో అర్థం అవుతోంది. ముందుగా ఆ గెటప్ ని చూసి అందరూ విలన్ క్యారెక్టర్ అనుకున్నారు , కానీ ఆయన తన ఊరి సమస్యల కోసం పోరాడే వ్యక్తిగా కనిపించబోతున్నాడని ఈరోజు విడుదల చేసిన గ్లింప్స్ ని చూస్తే తెలుస్తోంది. కచ్చితంగా ఆయన కెరీర్ లో ఈ క్యారెక్టర్ ఒక ల్యాండ్ మార్క్ లాగా మిగిలిపోతుంది అనడం లో ఎలాంటి సందేహం లేదు. జూన్ 4 న విడుదల అవ్వబోతున్న ఈ సినిమాని చూసి జనాలు రామ్ చరణ్ క్యారెక్టర్ గురించి ఏ రేంజ్ లో మాట్లాడుకుంటారో , జగపతి బాబు క్యారెక్టర్ గురించి కూడా అదే రేంజ్ లో మాట్లాడుకుంటారని అంటున్నాడు డైరెక్టర్ బుచ్చి బాబు. ఇక సోషల్ మీడియా లో బాగా వైరల్ అయినటువంటి ఈ వీడియో ని మీరు కూడా చూసేయండి.
Rooted in emotion, driven by purpose ❤️
Meet #Appalasoori a.k.a @iamjaggubhai garu ❤️ #PEDDITrailer Takover from May 18th#PEDDI in cinemas worldwide on 4th June.#GetReadyForPeddi pic.twitter.com/MjjA4P1WMN
— PEDDI (@PeddiMovieOffl) May 16, 2026
