Peddi Movie: గ్లోబల్ స్టార్ రామ్ చరణ్(Global Star Ram Charan) హీరో గా నటించిన లేటెస్ట్ చిత్రం ‘పెద్ది'(Peddi Movie) ఈ నెల 30 న విడుదల అవ్వాల్సి ఉండగా, పోస్ట్ ప్రొడక్షన్ వర్క్ మరింత బెటర్ గా ఉండడం కోసం అధిక సమయం కోరుతూ జూన్ నెలకు ఈ చిత్రాన్ని వాయిదా వేశారు. జూన్ 4 న విడుదల అవుతుందా ?, లేదంటే జూన్ 24 న విడుదల అవుతుందా అనేది తెలియాల్సి ఉంది. అయితే అభిమానులకు గుడ్ న్యూస్ ఏమిటంటే , మరో 6 రోజుల్లో ఈ సినిమాకు సంబంధించిన షూటింగ్ మొత్తం పూర్తి కానుంది. నేడు జానీ మాస్టర్ ఆద్వర్యం లో ‘రయ్ రయ్ రారా’ పాటకు సంబంధించిన ప్యాచ్ వర్క్ ని పూర్తి చేశారు. రామ్ చరణ్ కూడా ఈ షూటింగ్ లో పాల్గొన్నాడు. ఇక ఐటెం సాంగ్ చిత్రీకరణ ఒక్కటే బ్యాలన్స్ ఉంది.
రేపటి నుండి వనస్థలిపురం లో ఈ ఐటెం సాంగ్ కి సంబంధించిన షూటింగ్ మొదలు కానుంది. నాలుగు రోజుల పాటు ఈ పాట చిత్రీకరణ ఉంటుంది. మొదట్లో ఈ ఐటెం సాంగ్ కోసం మృణాల్ ఠాకూర్ ని సంప్రదించారు. రెమ్యూనరేషన్ విషయం లో నిర్మాతలు తగ్గకపోవడం తో ఆమె తప్పుకుంది. ఆ తర్వాత ‘కపుల్ ఫ్రెండ్లీ’ ఫేమ్ మానస వారణాసి ని తీసుకుందామని అనుకున్నారు. కానీ ఎందుకో కుదర్లేదు. ఈరోజు ఉదయం వరకు కూడా ఈ పాటలో సంయుక్త మీనన్ రామ్ చరణ్ తో కలిసి చిందులు వేయబోతుంది అంటూ ప్రచారం సాగింది. కానీ ఇప్పుడు లేటెస్ట్ గా వినిపిస్తున్న వార్త ఏమిటంటే, శృతి హాసన్ ఈ ఐటెం సాంగ్ లో కనిపించబోతున్నట్టు తెలుస్తోంది. ఆమె కోసం షూటింగ్ మరో రెండు రోజులు వాయిదా పడే అవకాశాలు కూడా ఉన్నాయని అంటున్నారు. ఇదంతా పక్కన పెడితే ఈ సినిమాలోని ఒక సీక్వెన్స్ గురించి ప్రత్యేకించి మాట్లాడుకుంటున్నారు.
పూర్తి వివరాల్లోకి వెళ్తే రామ్ చరణ్ పుట్టిన రోజు సందర్భంగా పహిల్వాన్ టీజర్ ని మేకర్స్ విడుదల చేసిన సంగతి అందరికీ తెలిసిందే. ఈ టీజర్ కి అభిమానుల నుండి మాత్రమే కాదు, ప్రేక్షకుల నుండి కూడా అద్భుతమైన రెస్పాన్స్ వచ్చింది. ఈ సీక్వెన్స్ సినిమాలో 3 నిమిషాల వరకు ఉంటుందట. మన ఆంధ్ర ప్రదేశ్ రాష్ట్రము తరుపున రామ్ చరణ్ కుస్తీ ఫైటింగ్ లో కనిపించనున్నాడు. ఆయన రాజస్థాన్ కుస్తీ పోటీదారులతో పోటీ పడబోతున్నాడు అట. ఈ సీక్వెన్స్ మొత్తం అద్భుతంగా వచ్చిందని, థియేటర్స్ లో చూసే ఆడియన్స్ కి గూస్ బంప్స్ వస్తాయని , కేవలం ఈ ఒక్క సన్నివేశం కోసం రిపీట్ గా థియేటర్స్ కి వచ్చి చూసే ఆడియన్స్ ఉంటారని అంటున్నారు. ఈ సీక్వెన్స్ లో VFX వర్క్ కూడా చాలా కీలకం అంట. ప్రతీ ఫ్రేమ్ పర్ఫెక్ట్ డిటైలింగ్ తో ఉండాలని బుచ్చి బాబు పట్టుబట్టడంతో VFX కంపెనీ మూడు నెలల సమయం కోరిందట, ఈ సినిమా వాయిదా పడడానికి ప్రధాన కారణాల్లో ఇది కూడా ఒకటి అని అంటున్నారు.
