Bheemla Nayak: పవర్ స్టార్ పవన్ కళ్యాణ్ – నేషనల్ యాక్టర్ రానా క్రేజీ కాంబినేషన్లో రాబోతున్న మళయాలి రీమేక్ ‘భీమ్లా నాయక్’. ఈ సినిమాకు మంచి హైప్ క్రియేట్ అయింది. అందుకే డైరెక్ట్ గా ఓటీటీలో విడుదల చేయమని ఈ సినిమాకు భారీ ఆఫర్స్ వస్తున్నాయి. అమెజాన్, జీ5 వంటి ఓటీటీ సంస్థలు మైండ్ బ్లోయింగ్ ఆఫర్స్ తో ఈ సినిమా నిర్మాతల చుట్టూ తిరుగుతున్నాయి.
ముఖ్యంగా అమెజాన్ ప్రైమ్ నుంచి ఈ సినిమాకి 150 కోట్ల వరకు భారీ ఆఫర్ వచ్చిందట. అయితే, ఈ సినిమా కోసం నిర్మాతలు కూడా వంద కోట్ల వరకు ఖర్చు పెడుతున్నారు. మెయిన్ గా యాక్షన్ సన్నివేశాలను భారీగా తెరకెక్కిస్తున్నారు. అందుకే, భారీ ఆఫర్ వచ్చినా తమ సినిమాను ఓటీటీ లో రిలీజ్ చేయడానికి వాళ్ళు రెడీగా లేరు.
బాహుబలి కి ఏమాత్రం తక్కువ కాకుండా ఈ సినిమా కూడా కలెక్షన్స్ ను రాబడుతుందని మేకర్స్ నమ్మకంగా ఉన్నారు. పైగా పవన్ కళ్యాణ్ కెరీర్ లో మొదటిసారి ఈ సినిమాలో విభిన్నంగా కనిపించబోతున్నారు. ఈ కారణంగానే జనంలో ఈ సినిమా పై చాలా పాజిటివ్ కామెంట్స్ వినబడుతున్నాయి. ఇక ఈ సినిమాను సంక్రాంతి కానుకగా జనవరి 12న విడుదల చేయాలని డేట్ ఫిక్స్ చేశారు.
అయితే, ‘సర్కారు వారి పాట’తో పాటు ‘ఆర్ఆర్ఆర్’, ‘రాధేశ్యామ్’ వంటి సినిమాలు సంక్రాంతి పోటీలో ఉన్నాయి కాబట్టి.. రిలీజ్ డేట్ ను మారిస్తే ఎలా ఉంటుంది అనే ఆలోచనలో కూడా మేకర్స్ ఉన్నారు. ఇక భీమ్లా నాయక్ ఫస్ట్ టీజర్ ను పవన్ పై స్పెషల్ గా కంపోజ్ చేయడం, ముఖ్యంగా పవన్ చాలా ఆవేశంగా నడుచుకుంటూ చెప్పిన డైలాగ్స్ ప్రేక్షకులను బాగా మెప్పించింది.
మొత్తానికి భీమ్లా నాయక్ గా పవన్ , డ్యానియల్ శేఖర్ గా రానా పెర్ఫెక్ట్ గా సెట్ అయ్యారు. ఈ సినిమా ఈగో మీద నడవబోతుంది. నువ్వా – నేనా అంటూ పోటీ పడే ఇద్దరి ఆవేశపరుల కథ ఇది. ఈ సినిమాను తెలుగులో దర్శకుడు సాగర్ చంద్ర దర్శకత్వం వహిస్తున్నాడు. స్క్రిప్ట్ లో త్రివిక్రమ్ కూడా పని చేస్తున్నాడు.
