Pawan Kalyan Surender Reddy movie update: ‘ఓజీ’ , ‘ఉస్తాద్ భగత్ సింగ్’ సినిమాల తర్వాత పవన్ కళ్యాణ్(Deputy CM Pawan Kalyan) డైరెక్టర్ సురేందర్ రెడ్డి తో ఒక సినిమా చేయబోతున్నాడు అనే విషయం మన అందరికీ తెలిసిందే. న్యూ ఇయర్ రోజున ఆ చిత్ర నిర్మాత రామ్ తళ్లూరి ఈ విషయాన్నీ అధికారికంగా ప్రకటించాడు. అయితే నిన్న సాయంత్రం ట్విట్టర్ లో పవన్ కళ్యాణ్ కార్యేటివే వర్క్స్ హ్యాండిల్ నుండి వచ్చిన ఒక ట్వీట్ ని చూస్తుంటే, ఆయన ‘ఓజీ 2’ కి తప్ప , ఏ సినిమాకు కమిట్మెంట్ ఇవ్వలేదని తెలుస్తోంది. సురేందర్ రెడ్డి తో కథ విషయం లో చర్చలు జరిపిన విషయం వాస్తవమే. కానీ కథ మాత్రం ఇప్పటి వరకు లాక్ అవ్వలేదట. పలు మార్పులు చేర్పులు పవన్ కళ్యాణ్ సూచించాడని, సురేందర్ రెడ్డి, వక్కంతం వంశీ ప్రస్తుతం ఆ పనుల్లో ఉన్నారని తెలుస్తోంది.
అయితే రీసెంట్ గా పవన్ కళ్యాణ్ నుండి విడుదలైన ‘ఉస్తాద్ భగత్ సింగ్’ చిత్రం కమర్షియల్ గా పెద్ద డిజాస్టర్ ఫ్లాప్ గా నిల్చింది. దీంతో పవన్ కళ్యాణ్ భవిష్యత్తు సినిమాల ప్లాన్స్ లో భారీ మార్పులు చోటు చేసుకున్నట్టు తెలుస్తోంది. ఇకపై రొటీన్ కమర్షియల్ ఫార్మటు లో సినిమాలు చెయ్యకూడదు అని ఆయన ఫిక్స్ అయ్యినట్టు తెలుస్తోంది. డైరెక్టర్ సురేందర్ రెడ్డి తో చేయబోయేది గ్యాంగ్ స్టర్ డ్రామా మూవీ. అయినప్పటికీ కూడా ఫుల్ బౌండెడ్ స్క్రిప్ట్ ఇంకా రెడీ కాకపోవడం తో ఇప్పట్లో ఈ సినిమా సెట్స్ పైకి వెళ్లే అవకాశాలు కనిపించడం లేదని తెలుస్తోంది. పవన్ కళ్యాణ్ ప్రస్తుతానికి జెన్ జీ డైరెక్టర్స్ కి అవకాశాలు ఇవ్వడానికే మక్కువ చూపిస్తున్నట్టు సమాచారం. ఎందుకంటే ‘ఓజీ’ తర్వాత ఆయనపై అంచనాలు భారీగా పెరిగిపోయాయి. చేస్తే ఇక ఓజీ తరహా సినిమాలు చెయ్యాలి, లేదంటే అంతకు మించిన సినిమాలు చెయ్యాలి.
Also Read: ఒకప్పుడు ఆ దర్శకులు క్లోజ్ ఫ్రెండ్స్…కానీ ఇప్పుడు బద్ద శత్రువులా..? ఇంతకీ వాళ్లెవరంటే..?
తగ్గితే మాత్రం అభిమానులు అసలు ఊరుకునేలా లేరు. అందుకు లేటెస్ట్ ఉదాహరణే ‘ఉస్తాద్ భగత్ సింగ్’ . నిన్నటి ట్వీట్ ని బట్టీ అర్థం అవుతున్నది ఏమిటంటే, పవన్ కళ్యాణ్ తదుపరి చిత్రం ‘ఓజీ 2’. అది కూడా ఇప్పట్లో మొదలయ్యే అవకాశాలు లేవు. ప్రస్తుతం సుజిత్ నాని తో ‘బ్లడీ రోమియో’ అనే చిత్రం చేయబోతున్నాడు. ఈ సినిమా షూటింగ్ మొదలై థియేటర్స్ లోకి రావడానికి ఏడాదికి పైగా సమయం పట్టొచ్చు. అప్పటి వరకు పవన్ కళ్యాణ్ రాజకీయాలపైనే పూర్తి ఫోకస్ పెట్టే అవకాశాలు కనిపిస్తున్నాయి. త్వరలోనే ఆంధ్ర ప్రదేశ్ లో స్థానిక ఎన్నికలు జారబోతున్నాయి. దీనిపైనే ఆయన ప్రస్తుతం తన దృష్టిని కేంద్రీకరించాడు. వచ్చే ఏడాది సెకండ్ హాఫ్ వరకు పవన్ కళ్యాణ్ సినిమా షూటింగ్స్ లో కనిపించే అవకాశమే కనిపించడం లేదని అంటున్నారు ట్రేడ్ విశ్లేషకులు.
