Pawan Kalyan OG 2: సోషల్ మీడియా నేడు పవన్ కళ్యాణ్ అభిమానుల చేతుల్లోకి వెళ్ళిపోయింది. సాధారణంగానే పవన్ ఫ్యాన్స్ ఫుల్ యాక్టీవ్ గా ఉంటారు , ఇక ఓజీ కి సంబంధించిన అప్డేట్స్ వస్తే సైలెంట్ గా ఉంటారా చెప్పండి?, ఓజీ అనే పేరు తీస్తేనే వాళ్ళ శరీరాల్లో వెయ్యి వోల్టుల ఎనర్జీ పాస్ అవుతుంది. ఇక రీసెంట్ గానే ‘ఓజీ 2’ కి సంబంధించిన చర్చలు మొదలు అయ్యాయి అంటూ పవన్ కళ్యాణ్ క్రియేటివ్ వర్క్స్ హ్యాండిల్ నుండి కొన్ని ట్వీట్స్ పడ్డాయి. వాటికే అభిమానులు మెంటలెక్కిపోయారు, ఇక నేడు ఈ చిత్రానికి సంబంధించిన కాన్సెప్ట్ వీడియో ని విడుదల చేశారు.. అభిమానుల ఆనందం వెయ్యి రేట్లు ఎక్కువ అయ్యింది. ఇదంతా పక్కన పెడితే ట్విట్టర్ హిస్టరీ లో పవన్ కళ్యాణ్ ఇప్పటి వరకు తన సినిమాలకు సంబంధించి ఒక్కటంటే ఒక్క ట్వీట్ కూడా వెయ్యలేదు.
కానీ మొదటిసారి ఆయన ‘ఓజీ 2’ గురించి నేడు ట్వీట్ వేశారు. ఈరోజు ఉదయం అప్లోడ్ చేసిన వీడియో ని క్వాట్ చేస్తూ ‘మీరు అడిగారు..మేము విన్నాం.. వెల్కమ్ టు ది ఓజీ యూనివర్స్’ అంటూ ట్వీట్ వేశారు. అంతే ఒక్కసారిగా సోషల్ మీడియా మొత్తం ఊగిపోయింది. స్వయంగా పవన్ కళ్యాణ్ మెయిన్ అకౌంట్ నుండి ట్వీట్ పడడం చూసి , మా పవన్ కళ్యాణ్ అన్నయ్య లో ఇంత మార్పు ఏంటి?, అసలు మనం చూస్తున్నది పవన్ కళ్యాణ్ నేనా? అంటూ ఆశ్చర్యాన్ని వ్యక్తం చేస్తూ ట్వీట్స్ వేశారు. ఇదే ఇప్పుడు సోషల్ మీడియా లో హాట్ టాపిక్ గా మారింది. ఆయన ట్వీట్ వేసిన వెంటనే వేల సంఖ్యలో లైక్స్ , రీట్వీట్స్ వచ్చాయి. ఇన్ స్టాగ్రామ్ లో అయితే లక్షల్లో లైక్స్ రావడం గమనార్హం. అయితే ఇన్ స్టాగ్రామ్ లో పవన్ కళ్యాణ్ క్రియేటివ్ వర్క్స్ హ్యాండిల్ కి కేవలం 1 లక్ష ఫాలోవర్లు మాత్రమే ఉన్నారు.
అయినప్పటికీ కూడా ఉదయం నుండి ఇప్పటి వరకు ఈ వీడియో కి 2 లక్షలకు పైగా లైక్స్ , 20 లక్షలకు పైగా వ్యూస్, 15 వేలకు పైగా రీ పోస్ట్స్ , 60 వేలకు పైగా షేర్స్ వచ్చాయి. తక్కువ ఫాలోవర్లు ఉన్న హ్యాండిల్ నుండి వీడియో వస్తేనే ఈ రేంజ్ రెస్పాన్స్ వచ్చిందంటే , 40 లక్షల ఫాలోవర్లు ఉన్నటువంటి పవన్ కళ్యాణ్ మెయిన్ ఇన్ స్టాగ్రామ్ హ్యాండిల్ నుండి ఈ వీడియో వచ్చి ఉండుంటే ఏ రేంజ్ రీచ్ ఉండేదో మీరే ఊహించుకోండి అంటూ సోషల్ మీడియా లో నెటిజెన్స్ కామెంట్స్ చేస్తున్నారు.
You asked, We heard…
Welcome to the #OGUniverse #OG2 ⚔️ https://t.co/5iRZLSS4YM— Pawan Kalyan (@PawanKalyan) June 25, 2026
