Pawan Kalyan Fans Protest: సీతయ్య సినిమా గుర్తుందా..? అందులో విలన్ ని హీరో హరికృష్ణ పూటకి ఒక పోలీస్ స్టేషన్ మార్పించి , సిటీ లో ఉన్న అన్ని పోలీస్ స్టేషన్స్ తిప్పి పోలీసులతో చితకబాదిస్తాడు. సరిగ్గా అలాంటి సంఘటన ని డిప్యూటీ సీఎం పవన్ కళ్యాణ్ ప్రశ్న రావణ్ విషయం లో లైవ్ గా చూపిస్తున్నారు. హిందూ దేవుళ్లపై , హైందవ మతం పై నోటికొచ్చినట్టు మాట్లాడడం, అవసరం లేకపోయినా పవన్ కళ్యాణ్ పై భూతులతో రెచ్చిపోవడం, చిన్న పిల్లల మధ్య జరిగిన గొడవకు కూడా కుల వివక్ష తీసుకొచ్చి గొడవలు పెట్టాలని అనుకోవడం. ఇలా ఒక్కటా రెండా?, విద్వేషాలు రెచ్చగొట్టేలా తన యూట్యూబ్ ఛానల్ ద్వారా ఎన్నో ప్రయత్నాలు చేశారు. దీంతో జనసైనికుల ఫిర్యాదు మేరకు , పోలీసులు రావణ్ ని అరెస్ట్ చేసి పిఠాపురం కి తీసుకెళ్లారు.
అక్కడ బెయిల్ వచ్చిన తర్వాత సర్పవరం కి తీసుకెళ్లారు, అక్కడ కూడా బెయిల్ వచ్చిన తర్వాత మచిలీపట్టణం కి తీసుకెళ్లారు. నిన్న రాత్రి అక్కడ కూడా బెయిల్ రావడం తో ఇప్పుడు అనకాపల్లి లోని నక్కపల్లి పోలీస్ స్టేషన్ కి తీసుకెళ్లారు పోలీసులు. అయితే ఎక్కడికి వెళ్లినా పవన్ కళ్యాణ్ అభిమానుల తాకిడిని రావణ్ ఎదురుకోవాల్సి వస్తుంది. ముఖ్యంగా పోలీసులు తీవ్రమైన ఒత్తిడికి గురి అవుతున్నారు. రావణ్ ని ఎట్టి పరిస్థితిలో కఠినంగా శిక్షించాల్సిందే. లేదంటే మాకు వదిలేయాలి, మేము చూసుకుంటాం అంటూ రోడ్ల మీదకు వచ్చి ధర్నా చేస్తున్నారు. రావణ్ వెళ్లే పోలీస్ జీపుపై చెప్పులతో , గుడ్లతో దాడులు చేస్తున్నారు. ఇప్పుడు నక్కపల్లి పోలీస్ స్టేషన్ లో కూడా ఇదే పరిస్థితి ఎదురైంది. రావణ్ నాలుక కోస్తామని , అతన్ని వెంటనే మాకు విడిచిపెట్టాలని పోలీసుల మీదకు దూసుకొచ్చారు. అందుకు సంబంధించిన విజువల్స్ ఇప్పుడు సోషల్ మీడియా లో బాగా వైరల్ అయ్యాయి.
రావణ్ కి సపోర్టుగా అతని అనుచరులు నేడు నక్కపల్లి పోలీస్ స్టేషన్ కి వచ్చారు. జనసైనికులు వాళ్లకు కూడా చుక్కలు చూపించే ప్రయత్నం చేశారు. వాళ్ళ చేత ‘జై జనసేన’ నినాదాలు పలికించి పంపారు. అంతే కాకుండా జడ శ్రవణ్ అనుచరులను కూడా పోలీస్ స్టేషన్ బయట పరుగులు తీయించారు. వీళ్ళ ఆగ్రహావేశాలను చూస్తుంటే , రావణ్ అరెస్ట్ అయ్యి రిమాండ్ లో ఉండడమే మంచిదని అనిపిస్తోంది. ఒకవేళ రావణ్ ని బయటకు వదిలితే సెక్యూరిటీ ని ఏర్పాటు చేసుకోవాలి. లేదంటే హిందూ సంఘాలు, పవన్ కళ్యాణ్ అభిమానులు ఇతని వదిలిపెట్టేలా లేరు అంటూ సోషల్ మీడియా లో నెటిజెన్స్ కామెంట్స్ చేస్తున్నారు.
నక్కపల్లిలో జనసేన నేతల ఓవరాక్షన్
రోడ్డుకు అడ్డంగా కారు పెట్టి పోలీస్ స్టేషన్ ఎదురుగా హల్చల్
రోడ్డుపై వెళ్లే వాహనదారులకు ఇబ్బందులు.. బస్సు దిగి నడుచుకుంటూ వెళ్లిపోతున్న ప్రయాణికులు
ప్రశ్న రావణ్ ను అప్పగించాలని, నాలుక కోస్తాం అంటూ పోలీసుల ముందే వార్నింగ్లు… https://t.co/VeJAcN3uxv pic.twitter.com/499jOBdY6F
— Telugu Feed (@Telugufeedsite) July 4, 2026
