NTR career mistakes: సినిమా ఇండస్ట్రీలో ఒక సక్సెస్ వస్తే చాలు హీరోలు టాప్ పొజిషన్ కి వెళ్తారు. అదే ఒక ఫ్లాప్ సినిమా పడితే మాత్రం పాతాళానికి పడిపోయే ప్రమాదం కూడా ఉంది. ఇక ఇలాంటి క్రమంలోనే మొహమాటానికి పోయి సినిమాలను చేసి ప్లాప్ లను మూట గట్టుకున్న హీరోలు చాలామంది ఉన్నారు. ముఖ్యంగా జూనియర్ ఎన్టీఆర్ అయితే మొహమాటానికి పోయి రెండు సినిమాలతో భారీ ప్లాప్ లను మూట గట్టుకున్నారు. సింహాద్రి సినిమాతో సూపర్ సక్సెస్ ని సాధించిన ఎన్టీఆర్ ఆ తర్వాత చేసిన సినిమాతో ఏమాత్రం ప్రేక్షకులను మెప్పించలేకపోయాడు. ఇక దానికి తోడుగా ఆయన బి.గోపాల్ దర్శకత్వంలో చేసిన నరసింహుడు సినిమా ఘోరంగా విఫలమైంది. ఆ ప్రొడ్యూసర్ ట్యాంక్ బండ్ లో దూకి మరి ఆత్మహత్య చేసుకోవడానికి సిద్ధమయ్యాడు అంటే ఆ సినిమా ప్రొడ్యూసర్స్ కి ఎంత భారీ నష్టాలను మిగిల్చిందో మనం అర్థం చేసుకోవచ్చు. ఇక ఆ సినిమా తర్వాత ఆయన ముళ్ళపూడి వర దర్శకత్వంలో చేసిన ‘నా అల్లుడు’ సినిమా కూడా డిజాస్టర్ అయింది. విజయేంద్ర ప్రసాద్ కథ అందించినప్పటికి ఈ సినిమా అనుకున్న మేరకు సక్సెస్ ని సాధించలేదు.
రాజమౌళి ఉన్నాడనే ఒక దృక్పథంతో జూనియర్ ఎన్టీఆర్ ఈ సినిమా చేశాడు. ఇక ముళ్ళపూడి వర ఈ సినిమా ని అనుకున్న రేంజ్ లో తీయకపోవడంతో సినిమా డిజాస్టర్ అయింది. మొత్తానికైతే మొహమాటానికి పోయి ఆయన చేసిన ఈ రెండు సినిమాలు కూడా డిజాస్టర్ అయ్యాయి.
ఈ రెండు మూవీస్ జూనియర్ ఎన్టీఆర్ కెరియర్ ను భారీగా డౌన్ చేశాయి.
అలాగే తన మార్కెట్ ను కూడా చాలా వరకు కోల్పోయేలా చేశాయి. ఇక ఇండస్ట్రీలో ఉన్న ప్రతి ఒక్కరు మొహమాటానికి పోవడం తగ్గించుకుంటే మంచిదని చాలామంది సినిమా మేధావులు సైతం వాళ్లకు చెబుతుంటారు.
సినిమా కథను బట్టి దర్శకుడిని బట్టి ముందుకెళ్లాలి తప్ప ఏదో మొహమాటానికి వెళ్ళి సినిమాలు తీస్తే ఇప్పటి వరకు వాళ్ళు క్రియేట్ చేసుకున్న మార్కెట్ కోల్పోయి భారీ మూల్యాన్ని చెల్లించుకోక తప్పదు… ఇక ప్రస్తుతం జూనియర్ ఎన్టీఆర్ ప్రశాంత్ నీల్ దర్శకత్వంలో ‘డ్రాగన్’ అనే సినిమా చేస్తున్నాడు. ఈ సినిమాతో పెను సంచలనాన్ని క్రియేట్ చేయడానికి సన్నాహాలు చేసుకుంటున్నాడు…
