NTR Dragon Movie Updates: జూనియర్ ఎన్టీఆర్ హీరోగా ఎంట్రీ ఇచ్చిన మొదట్లోనే అతనికి భారీ దెబ్బ తగిలింది నిన్ను చూడాలని సినిమా ప్లాప్ అవ్వడంతో ఎన్టీఆర్ ఒకసారిగా డీలా పడిపోయాడు. ఆ తర్వాత రాజమౌళి దర్శకత్వంలో చేసిన ‘స్టూడెంట్ నెంబర్ వన్’ సినిమాతో సక్సెస్ ని అందుకున్న ఆయన ‘ఆది’ సినిమాతో బ్లాక్ బస్టర్ ని తన ఖాతాలో వేసుకున్నాడు… వెంటనే సింహాద్రి సినిమాతో మరో మాస్ హిట్ ను తన ఖాతాలో వేసుకున్న ఆయన అప్పటినుంచి ఇప్పటివరకు చాలా సక్సెస్ లను సాధిస్తూ ముందుకు సాగుతున్నాడు. జూనియర్ ఎన్టీఆర్ కెరియర్ లో ఎన్ని సక్సెస్ లను సాధించిన కూడా ఇప్పటివరకు అతనికి ఒక ఇండస్ట్రీ హిట్ కూడా లేదు. ఇన్ని సంవత్సరాల నుంచి ఆయన ఎందుకు ఒక్క ఇండస్ట్రీ హిట్ ను కూడా సాధించలేకపోయాడు అనేది ప్రతి ఒక్కరి మైండ్ లో మెదులుతున్న ప్రశ్న… ప్రస్తుతం ఆయన పాన్ ఇండియాలో పెను ప్రభంజనాన్ని సృష్టించాల్సిన అవసరమైతే ఉంది.
ఎందుకంటే తన తోటి హీరోలు అందరు 1000 కోట్లకు పైన కలెక్షన్స్ కొల్లగొడుతుంటే జూనియర్ ఎన్టీఆర్ ఇప్పటివరకు ఒక్క సినిమాతో కూడా 1000 కోట్ల కలెక్షన్స్ అయితే రాబట్టలేకపోయాడు. ప్రశాంత్ నీల్ దర్శకత్వంలో చేస్తున్న ‘డ్రాగన్’ సినిమాతో ఆయన ఆ ఫీట్ ని అందుకోవాలనే ప్రయత్నంలో ఉన్నాడు.
ఇక ఇలాంటి క్రమంలోనే రీసెంట్ గా ఎన్టీఆర్ బర్త్ డే ని పురస్కరించుకొని ఈ సినిమా నుంచి ఒక గ్లింప్స్ వదిలారు. గ్లింప్స్ అద్భుతంగా ఉన్నప్పటికి ఎన్టీఆర్ అందులో కొంత వరకు మైనస్ అయ్యాడంటూ మరి కొంత మంది కామెంట్స్ చేస్తున్నారు. ఎందుకంటే ఎన్టీఆర్ కటౌట్ ఆ ఎంటైర్ సినిమా వరల్డ్ లో ఇమడలేకపోయిందనేది వాస్తవం.
ఇక అతని ప్లేసులో ప్రభాస్ గాని, యశ్ గాని ఉంది ఉంటే దానికి ఇంకాస్త ఇంపాక్ట్ వచ్చి ఉండేది. మొత్తానికైతే జూనియర్ ఎన్టీఆర్ ఈ సినిమాకి కొంతవరకు మైనస్ అయ్యాడనే చెప్పాలి. ఇక ఈ సినిమాకి ఎన్టీఆర్ ప్లస్ అయ్యాడా మైన అయ్యాడా అనేది తెలియాలంటే మాత్రం సినిమా రిలీజ్ అయ్యేంతవరకు వెయిట్ చేయాల్సిందే…
