NTR Dragon Glimpse Review: ఎన్టీఆర్ అభిమానులతో పాటు, సినీ అభిమానులు ఎంతగానో ఎదురు చూసిన ‘డ్రాగన్’ గ్లింప్స్ వీడియో ని కాసేపటి క్రితమే విడుదల చేశారు మేకర్స్. ప్రశాంత్ నీల్ మీద ఎన్ని అంచనాలు అయినా పెట్టుకోవచ్చు , ఆ అంచనాలకు మించే సినిమాని ఇస్తాడని అందరూ అంటుంటారు , ఈ గ్లింప్స్ వీడియో ని చూసిన తర్వాత కూడా అదే అనిపించింది. ఆయన సినిమాల్లో ప్రత్యేకంగా ఆడియన్స్ ని ఆకర్షించేది స్టోరీ బిల్డింగ్. అంటే తన విజన్ లో ఉన్న ప్రపంచాన్ని వెండితెర పై ఆవిష్కరించడం. కేజీఎఫ్ లో కానీ, సలార్ లో కానీ, నీల్ నిర్మించిన ప్రపంచాలను అంతకు ముందు ఏ సినిమాలో కూడా మనం చూసి ఉండము . ఒక కమర్షియల్ సినిమాకు హాలీవుడ్ రేంజ్ టేకింగ్ తోడు అయితే ఎలా ఉంటుందో , అదే నీల్ టేకింగ్. ‘డ్రాగన్’ కూడా అలాంటి సినిమానే.
బ్రిటిష్ వాళ్ళు మన దేశానికీ కాటన్ , స్టీల్ మరియు ఇతర ఖనిజాల కోసం వచ్చారు , కానీ వాళ్ళు మన భారతదేశం లో 250 ఏళ్ళు తిష్ట వేసుకొని కూర్చోవడానికి అసలు సిసలు కారణం , ఓపియం అనే మొక్క. దీని నుండే మాదకద్రవ్యాలను తయారు చేస్తారు. ఇది ఆఫ్ఘనిస్థాన్ మరియు గోల్డెన్ త్రైయాంగిల్ లో ఎక్కువ పండుతుంది, వీటిని ఉపయోగించుకొని బ్రిటిష్ వాళ్ళు ఎంత సంపద మూటగట్టుకున్నారు , కానీ వాళ్ళు ఇండియా ని వదిలి వెళ్ళేటప్పుడు ఆ సంపద ని కూడా వదిలేసి వెళ్లిపోయారు , దాంతో ఆ వ్యాపారం రెండు గా చీలిపోయింది , ఒకటి ఆఫ్ఘన్ ట్రేడింగ్ కంపెనీ , మరొకటి గోల్డెన్ ట్రేడింగ్ కంపెనీ. ఈ రెండు గ్యాంగ్స్ మధ్య జరిగే యుద్దాన్ని ఈ చిత్రం లో మనం చూడబోతున్నాము. స్టోరీ న్యారేషన్ ఎంతో ఆసక్తి కరంగా ఉంది కదూ , అదే విధంగా హీరోయిన్ రుక్మిణి వాసంత్ జెనిసిస్ తో విలన్స్ ని పరిచయం చేసే షాట్స్ వేరే లెవెల్ లో ఉన్నాయి అని చెప్పొచ్చు.
దేవుడు ముందుగా కాంతిని సృష్టించాడు , రెండవ రోజు నింగి , నీరు సృష్టించాడు, మూడవ రోజు నేల ని సృష్టించాడు , నాల్గవ రోజు సూర్యుడు , నక్షత్రాలు, చంద్రుడు వంటి వాటిని సృష్టించాడు , 5 వ రోజు ఆయన ఆకాశం లో పక్షులు మరియు ఇతర జీవరాసులు సృష్టించాడు, 6 వ రోజు జంతువులూ , మనుషులను సృష్టించాడు , 7 వ రోజున విశ్రాంతి తీసుకున్నాడు , అప్పుడే ఒక డెవిల్ పుట్టింది అంటూ ఎన్టీఆర్ ని పరిచయం చేస్తారు. గ్లింప్స్ మొత్తం అద్భుతంగా ఉంది కానీ ఎన్టీఆర్ స్క్రీన్ ప్రెజెన్స్ అసలు సూట్ అవ్వలేదని , ఆయన లుక్ ‘సలార్’ చిత్రం లో ప్రభాస్ కి స్పూఫ్ లాగా ఉందని, డైలాగ్ డెలివరీ కూడా ఆశించిన స్థాయిలో లేదని సోషల్ మీడియా లో నెటిజెన్స్ కామెంట్స్ చేస్తున్నారు. సినిమా అయితే వేరే లెవెల్ లో ఉండేట్టు ఉంది కానీ , ఎన్టీఆర్ కి సూట్ అవుతుందో లేదో చూడాలి అనే కామెంట్స్ ఎక్కువగా వినిపిస్తున్నాయి.
