New Zealand Vs UAE T20 World Cup: టి20 వరల్డ్ కప్ లో పెను సంచలనం నమోదయింది. మంగళవారం యునైటెడ్ అరబ్ ఎమిరేట్స్ జట్టుతో జరిగిన మ్యాచ్లో న్యూజిలాండ్ ప్రపంచ రికార్డును సృష్టించింది. ఇప్పటివరకు టి20 వరల్డ్ కప్ చరిత్రలో సాధ్యం కానీ ఘనతను అందుకుంది. తద్వారా ఈ స్థాయి అందుకున్న తొలి జట్టుగా న్యూజిలాండ్ రికార్డ్ సృష్టించింది.
చెన్నై వేదికగా జరిగిన మ్యాచ్లో ముందుగా యునైటెడ్ అరబ్ ఎమిరేట్స్ జట్టు బ్యాటింగ్ చేసింది. నిర్ణీత 20 ఓవర్ల పాటు బ్యాటింగ్ చేసిన యునైటెడ్ అరబ్ ఎమిరేట్స్ ప్లేయర్లు ఆరు వికెట్ల నష్టానికి 173 పరుగులు చేసింది. యూఏఈ జట్టులో మొహమ్మద్ వసీం(66), ఆలీషన్(55), మయాంక్ రావు(21) పరుగులు చేశారు. న్యూజిలాండ్ బౌలర్లు ఏకంగా 14 అదనపు పరుగులు ఇవ్వడం విశేషం. ఇందులో వైడ్ల రూపంలో ఏడు పరుగులు రావడం గమనార్హం. న్యూజిలాండ్ బౌలర్లలో హెన్రీ రెండు వికెట్లు పడగొట్టాడు. డఫీ, ఫెర్గు సన్, శాంట్ నర్, ఫిలిప్స్ తలా ఒక వికెట్ సాధించార.
అనంతరం చేజింగ్ మొదలుపెట్టిన న్యూజిలాండ్ ఒక్క వికెట్ కోల్పోకుండా విజయం సాధించింది. 15.2 ఓవర్లలోనే 175 పరుగులు చేసి సంచలనం సృష్టించింది. టీం సెయి ఫెర్ట్(89*), ఫిన్ అలెన్(84*) పరుగులు చేశారు. వీరిద్దరిని అడ్డుకోవడం యూఏఈ బౌలర్ల వల్ల కాలేదు. పవర్ ప్లే లో న్యూజిలాండ్ జట్టు ఏకంగా 78 పరుగులు చేసింది అంటే బ్యాటింగ్ ఎలా సాగిందో అర్థం చేసుకోవచ్చు. కేవలం 92 బంతుల్లోనే 175 పరుగులు చేసిన న్యూజిలాండ్ జట్టు.. ప్రపంచ టి20 సంచలనం సృష్టించింది.
ఈ మ్యాచ్ లో గెలవడం ద్వారా పురుషుల టి20 వరల్డ్ కప్ లో అత్యధిక పరుగుల భాగస్వామ్యం నమోదు చేసిన జట్టుగా న్యూజిలాండ్ రికార్డ్ సృష్టించింది.
175*: సీ ఫర్ట్, అలెన్(న్యూజిలాండ్) వర్సెస్ యూఏఈ, చెన్నై 2026..
170*: బట్లర్, హేల్(ఇంగ్లాండ్) వర్సెస్ ఇండియా, అడిలైడ్, 2022
168: క్వింటన్ డికాక్, రిలీ రోసౌ(సౌత్ ఆఫ్రికా), వర్సెస్ బంగ్లాదేశ్, సిడ్ని, 2022.
166: జయవర్ధనే, కుమార సంగక్కర(శ్రీలంక) వర్సెస్ వెస్టిండీస్, బార్బోడోస్, 2010.
154: ఇబ్రహీం జద్రాన్, గుర్బాజ్ (ఆఫ్ఘనిస్తాన్), ఉగాండా ప్రావిడెన్స్, 2024.
