Naveen Polishetty: క్యారెక్టర్ ఆర్టిస్ట్ గా సినిమాలు చేసి ‘ఏజెంట్ సాయి శ్రీనివాస ఆత్రేయ’ సినిమాతో హీరోగా ఎంట్రీ ఇచ్చాడు నవీన్ పోలిశెట్టి. మొదటి సినిమాతోనే మంచి సక్సెస్ అందుకున్నాడు ఈ కుర్ర హీరో. ఆ తరువాత ‘జాతిరత్నాలు’ అంటూ మరో సినిమాతో ప్రేక్షకుల ముందుకు వచ్చాడు. పాండమిక్ లో విడుదలైన ఈ సినిమా భారీ విజయాన్ని నమోదు చేసుకుంది. ఈ సినిమాలో నవీన్ కామెడీ టైమింగ్, పెర్ఫార్మన్స్ ప్రేక్షకులను బాగా ఆకట్టుకుంది. దీంతో అతడికి టాలీవుడ్ లో అవకాశాలు పెరిగిపోయాయి. ఈరోజు అతడి పుట్టినరోజు కావడంతో యూవీ క్రియేషన్స్ సంస్థ బర్త్ డే విషెస్ చెబుతూ.. తమ ప్రొడక్షన్ లో నవీన్ పోలిశెట్టి సినిమా చేయబోతున్నట్లు ప్రకటించింది.
ఈ ప్రాజెక్ట్ లో అనుష్క శెట్టితో కలిసి నటించబోతున్నాడు నవీన్. ఇదిలా ఉండగా… కొన్నిరోజుల క్రితమే సితార ఎంటర్టైన్మెంట్స్ బ్యానర్ పై నవీన్ ఓ సినిమా చేయబోతున్నట్లు అనౌన్స్ చేశాడు. ఈ సినిమాపై త్రివిక్రమ్ కూడా పెట్టుబడి పెట్టబోతున్నారు. ఈ సినిమాతో కళ్యాణ్ శంకర్ అనే కొత్త దర్శకుడు ఇండస్ట్రీకి పరిచయం కానున్నారు. అయితే ఈరోజు నవీన్ పుట్టినరోజు కానుకగా ఓ పోస్టర్ ను రిలీజ్ చేసి విషెస్ చెప్పింది సితార ఎంటర్టైన్మెంట్స్.
https://twitter.com/SitharaEnts/status/1475052559362506752?ref_src=twsrc%5Etfw%7Ctwcamp%5Etweetembed%7Ctwterm%5E1475052559362506752%7Ctwgr%5E%7Ctwcon%5Es1_c10&ref_url=https%3A%2F%2Ftelugu.abplive.com%2Fentertainment%2Fsithara-entertainments-special-birthday-wishes-to-naveen-polishetty-15756
సింహాసనంపై పంచె కట్టుకొని స్టైలిష్ గా పోజిచ్చాడు నవీన్. పూర్తిస్థాయి వినోదాత్మక చిత్రంగా దీన్ని తెరకెక్కించనున్నారు. ఇందులో నవీన్ పోలిశెట్టి కామెడీ ఓ రేంజ్ లో ఉండబోతుందని టాక్. త్వరలోనే ఈ సినిమా టైటిల్ ను అనౌన్స్ చేయబోతున్నట్లు ప్రకటించారు దర్శకనిర్మాతలు. ప్రస్తుతం ఈ వార్త సోషల్ మీడియాలో వైరల్ గా మారింది.
