RRR: మెగాపవర్స్టార్ రామ్ చరణ్, జూనియర్ ఎన్టీఆర్ హీరోలుగా రాజమౌళి తెరకెక్కిస్తోన్న సినిమా ఆర్ఆర్ఆర్. డివివి దానయ్య నిర్మాణంలో ఈ సినిమా తెరకెక్కుతోంది. ఈ సినిమా వచ్చే ఏడాది జనవరి 7న ప్రపంచవ్యాప్తంగా విడుదల కానుంది. ఇప్పటికే ఈ సినిమా నుంచి విడుదలైన పోస్టర్స్, టీజర్స్, సాంగ్స్ సినిమాపై భారీ అంచనాలు పెంచేశాయి. కాగా, తాజాగా, ఈ సినిమా నుంచి నాటు నాటు లిరికల్ విడుదలైంది. తారక్, చెర్రిల మధ్య ఈ పాటను చిత్రీకరించారు. ఇందులో ఇద్దరూ మాస్ స్టెప్పులతో పిచ్చెంకించేశారు.
కాగా, ఈ పాట విడుదలైన 24 గంటల్లోనే రికార్డులు సృష్టిస్తోంది. ఇప్పటి వరకు విడుదలైన అన్ని భాషల్లో కలిసి ఏకంగా 15 మిలియన్ వ్యూస్ను సొంతం చేసుకుంది. దీంతో పాటు, 1 మిలియన్స్కి పైగా లైక్స్ సాధించడం విశేషం. కీరవాణి ఈ సినిమాకు సంగీతం అందిస్తున్నారు. ఒలివియా మోరిస్, అలియా భట్ లు హీరోయిన్స్ గా నటిస్తున్నారు. అజయ్ దేవగణ్, శ్రియ శరణ్, సముద్ర ఖని లు ఈ చిత్రం లో కీలక పాత్రల్లో నటిస్తున్నారు. రామ్ చరణ్ అల్లూరి సీతారామరాజు పాత్రలో, జూనియర్ ఎన్టీఆర్ కొమురం భీమ్గా కనిపించనున్నారు. అయితే మొదటి సారి గా ఇద్దరు స్టార్ హీరోలు ఈ నాటు నాటు పాటకు స్టెప్పులు వెయ్యడంతో సినిమా పై మళ్లీ అంచనాలు పెరిగిపోయాయి. ఈ క్రమంలోనే సినిమా విడుదల కోసం అభిమానులు ఆసక్తిగా ఎదురు చూస్తున్నారు.
