Naga Chaitanya: సమంత , నాగ చైతన్య దంపతులు విడిపోయి చాలా ఏళ్ళు అవుతోంది , ఎవరి జీవితం లో వాళ్ళు ప్రస్తుతం ఫుల్ బిజీ గా ఉన్నారు , ఇద్దరూ కూడా కెరీర్ పరంగా మంచి స్థాయిలోనే ఉన్నారు. విడాకుల తర్వాత కొన్నాళ్ళకు నాగ చైతన్య ప్రముఖ యంగ్ హీరోయిన్ శోభిత ధూళిపాళ్ల ని పెళ్లి చేసుకోగా , సమంత ‘ది ఫ్యామిలీ మ్యాన్ 2’ డైరెక్టర్ రాజ్ నిడిమోరు ని పెళ్లి చేసుకుంది. వీళ్లిద్దరి వైవాహిక జీవితాలు కూడా చాలా గొప్ప స్థాయిలో సాగుతున్నాయి , ఎలాంటి గొడవలు , మనస్పర్థలు ఈ జంటల మధ్యలో లేవు. అయితే సమంత , నాగ చైతన్య విడిపోయినప్పటికీ, ఈ కాంబినేషన్ ని ఇష్టపడే అభిమానుల సంఖ్య లక్షల్లోనే ఉంటుంది. విడిపోతే విడిపోయారు , కనీసం వీళ్లిద్దరు కలిసి ఒక సినిమా చేయొచ్చు కదా అని సోషల్ మీడియా లో కొంతమంది కోరుకుంటూ ఉంటారు.
అయితే గతం లో వీళ్లిద్దరు గాఢమైన ప్రేమలో ఉన్నప్పుడే , నాగ చైతన్య సమంత తో కలిసి నటించడానికి నిరాకరించాడట. అప్పట్లో మాటల మాంత్రికుడు త్రివిక్రమ్ శ్రీనివాస్ ‘అ ..ఆ’ అనే చిత్రం తెరకెక్కించిన సంగతి తెలిసిందే. నితిన్ , సమంత హీరో హీరోయిన్లు గా నటించిన ఈ సినిమా బ్లాక్ బస్టర్ వద్ద సెన్సేషనల్ హిట్ గా నిల్చింది. ఈ చిత్రం లో ముందుగా హీరో పాత్ర కోసం నాగ చైతన్య న సంప్రదించాడట డైరెక్టర్ త్రివిక్రమ్. కానీ హీరో క్యారెక్టర్ కంటే , హీరోయిన్ క్యారెక్టర్ ఎక్కువ హైలైట్ అవుతుండడం తో , నాగ చైతన్య ఈ సినిమా ని రిజెక్ట్ చేసినట్టు తెలుస్తోంది. అప్పటికి ఆయన సమంత తో ప్రేమలోనే ఉన్నాడు , ఆమెతో డేటింగ్ కూడా చేస్తున్నాడు , అయినప్పటికీ ఆమెతో కలిసి నటించడానికి నిరాకరించడం గమనార్హం.
అయితే విడాకుల తర్వాత కొన్నాళ్ళకు జరిగిన ఒక ఇంటర్వ్యూ లో రిపోర్టర్ నాగ చైతన్య ని ఒక ప్రశ్న అడుగుతూ ‘మళ్లీ సమంత తో కలిసి నటించే అవకాశం వస్తే మీరు చేస్తారా ?’ అని అడగ్గా, నాగ చైతన్య అందుకు సమాధానం చెప్తూ ‘ఎందుకు చెయ్యను.. కచ్చితంగా చేస్తాను , నాకు ఎలాంటి ఇబ్బంది లేదు. పైగా మా ఇద్దరి కాంబినేషన్ లో సినిమా అంటే క్రేజ్ కూడా వేరే లెవెల్ ఉంటుంది కదా’ అని చెప్పుకొచ్చాడు. మరి వీళ్లిద్దరి కాంబినేషన్ లో సినిమా భవిష్యత్తులో వస్తుందో లేదో చూడాలి. వీళ్ళ కాంబినేషన్ లో వచ్చిన చివరి చిత్రం ‘మజిలీ’. ఈ సినిమా కమర్షియల్ గా పెద్ద బ్లాక్ బస్టర్ అవ్వడమే కాకుండా, టాలీవుడ్ లో కల్ట్ క్లాసిక్ చిత్రాల్లో ఒకటిగా నిల్చింది.
