Sarkaru Vari Pata: సూపర్ స్టార్ మహేష్ బాబు హీరోగా పరశురామ్ దర్శకత్వంలో తెరకెక్కుతోన్న సినిమా సర్కారు వారి పాట. ఇందులో కీర్తి సురేష్ హీరోయిన్గా నటిస్తుండగా… ఈ చిత్రాన్ని మైత్రీ మూవీ మేకర్స్, జీఎంబీ ఎంటర్టైన్మెంట్, 14 రీల్స్ సంయుక్తంగా నిర్మిస్తున్నారు. ఈ సినిమాకు తమన్ మ్యూజిక్ అందిస్తుండగా.. వెన్నెల కిశోర్, సుబ్బరాజు కీలకపాత్రలలో నటిస్తున్నారు. ప్రస్తుతం ఈ మూవీ షూటింగ్ శరవేగంగా జరుపుకుంటోంది. ఇటీవల స్పెయిన్లో షూటింగ్ కంప్లీట్ చేసుకొని వచ్చిన టీమ్.. దానికి సంబంధించిన ఫోటోలు సోషల్ మీడియా లో వైరల్ కావడం కూడా అందరికీ తెలిసిందే.
కాగా, ఈ సినిమా ఎలా ఉండబోతోందని అభిమానలు అనుకుంటున్న తరుణంలో.. ఈ సినిమా సంగీత దర్శకుడు థమన్ చేసిన ట్వీట్స్ సినిమాపై మరింత భరోసాను కల్పిస్తున్నాయి. ఈ క్రమంలోనే ట్విట్టర్ వేదికగా సాంగ్స్ అప్డేట్స్ గురించి స్పందిస్తూ.. ఈ సినిమా సూపర్ గుడ్ ఫిల్మ్ అనడంలో ఎలాంటి సందేహంలేదని.. చెప్పారు. కాగా, ఇప్పటికే ఈ సినిమా పాటలు రావాల్సిందని.. కానీ, విడుదల తేదీ ఏప్రిల్కి వాయిదా పడటంతో పాటలను జనవరిలో రిలీజ్ చేయాలనుకున్నట్లు వివరించారు.
థమన్ ఇంతలా చెప్తుంటే.. సినిమా కచ్చితంగా సూపర్ హిట్ అవుతుందని మహేశ్ అభిమానులు భావిస్తున్నారు. ఈ చిత్రంలో మహేష్ బాబు స్టైలీష్ లుక్లో కనిపిస్తుండడం మరో ప్రత్యేక ఆకర్షణ అని చెప్పాలి. ఇప్పటికే ఈ సినిమా నుంచి విడుదలైన పోస్టర్స్, వీడియోస్ కు ప్రేక్షకుల నుంచి మంచి స్పందన లభించింది. ఇక ఈ సినిమాను సంక్రాంతి కానుకగా వచ్చే జనవరి 13న విడుదల చేయనున్నట్లుగా ప్రకటించగా పలు కారణాల వల్ల ఏప్రిల్ కు మార్చారు.
