RRR Movie: సాధారణంగా ప్రతి సినిమా మీద ట్రోల్స్ రావడం కామన్. కానీ, ‘ఆర్ఆర్ఆర్’ ట్రైలర్ విడుదల అయిన తర్వాత దానిపై వస్తున్న ట్రోలింగ్లో ఓ విషయంలో పాయింట్ ఉంది. కొంత మంది యాక్షన్ సన్నివేశాల్లో లాజిక్ గురించి ప్రశ్నిస్తున్నారు. ఇంకొంత మంది ఏవేవో కామెంట్స్ చేస్తున్నారు. అవన్నీ పక్కన పెడితే… బ్రిడ్జ్ మీద నుంచి ఎన్టీఆర్, రామ్ చరణ్ చెరోవైపు నుంచి దూకే సన్నివేశం ఉంటుంది. ఆ సీన్ ని ఒకసారి నిశితంగా పరిశీలించండి. బ్రిడ్జ్ మీద నుంచి కిందకు దూకిన సమయంలో రామ్ చరణ్ చేతిలో జెండా ఉంటుంది. ఆ తర్వాత షాట్ చూస్తే జెండా ఎన్టీఆర్ చేతిలో ఉంటుంది. ఆ తర్వాత ఇద్దరూ చేతులు కలుపుతారు. చేతులు కలపడానికి ముందే చరణ్ చేతిలో జెండా ఎన్టీఆర్ చేతికి ఎలా వచ్చింది ? రాజమౌళి ఈ చిన్న లాజిక్ ఎలా మిస్ అయ్యారో అంటూ ట్రోల్ చేస్తున్నారు. లేదంటే ఆ షాట్స్ వెనుక సినిమాలో ఏదైనా వివరణ ఉంటుందో తెలుసుకోవాలంటే జనవరి 12 వరకు వేచి చూడక తప్పదు.
మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ నటిస్తున్న భారీ మల్టీ స్టారర్ మూవీ ఆర్ఆర్ఆర్. ఈ సినిమాకు టాలీవుడ్ సంచలన డైరెక్టర్ ఎస్.ఎస్.రాజమౌళి దర్శకత్వం వహిస్తున్నారు. ఈ సినిమా కోసం రెండు తెలుగు రాష్ట్రాలే కాకుండా… ప్రపంచ వ్యాప్తంగా అందరూ ఎదురు చూస్తున్నారు. భారీ బడ్జెట్తో డీవీవీ ఎంటర్టైన్మెంట్స్ బ్యానర్ పై దానయ్య నిర్మిస్తుండగా.. ఇందులో చరణ్ సరసన బాలీవుడ్ బ్యూటీ అలియా భట్.. తారక్ జోడీగా హాలీవుడ్ హీరోయిన్ ఒలివియా మోరీస్ నటిస్తున్నారు. ఈ సినిమాకు కీరవాణి సంగీతం అందిస్తుండగా.. బాలీవుడ్ స్టార్ అజయ్ దేవగన్, శ్రియ, సముద్రఖని కీలక పాత్రలో నటిస్తున్నారు. ఇప్పటికే ఈ సినిమా షూటింగ్ పూర్తి చేసుకొని, పోస్ట్ ప్రొడక్షన్ పనుకు శరవేగంగా జరుపుకుంటుంది.
Also Read: “ఆర్ఆర్ఆర్” ట్రైలర్ పై స్పందించిన మెగా స్టార్ చిరంజీవి, మహేష్ బాబు…
Also Read: ఎన్టీఆర్ మొదటి అడుగు పడింది
