Liger: డైనమిక్ డైరెక్టర్ పూరీ జగన్నాథ్ దర్శకత్వంలో విజయ్ దేవరకొండ హీరోగా తెరకెక్కుతోన్న సినిమా లైగర్. పాన్ ఇండియా స్థాయిలో తెరకెక్కిస్తోన్న ఈ సినిమాపై ఇప్పటికే భారీ అంచనాలు నెలకొన్నాయి. విజయ్ కెరీర్లో తొలి పాన్ ఇండియా సినిమా ఇదే కావడం విశేషం. మరోవైపు, ఇస్మార్ట్ శంకర్ వంటి సూపర్ హిట్ కొట్టిన పూరి జగన్నాథ్ ఈ సినిమాను ప్రెస్టేజ్గా తీసుకున్నట్లు తెలుస్తోంది. లైగర్తో ఎలాగైనా బాలీవుడ్లో జెండా పాతేయాలని విజయ్తో పాటు, పూరి కూడా ఎంతో ఆసక్తిగా ఎదురూచూస్తున్నారు. అందుకు తగ్గట్లుగానే సినిమాను తెరకెక్కిస్తున్నారు పూరి. ఈ క్రమంలోనే ప్రపంచ ప్రఖ్యాత బాక్సింగ్ ఛాంపియన్ మైక్ టైసన్ను ఈ సినిమా కోసం బరిలోకి దించారు.
This man is love ❤️
Every moment I am making memories! And this one will forever be special..#Liger Vs The Legend..
When I came face to face with Iron @MikeTyson pic.twitter.com/F2QRpIaitS
— Vijay Deverakonda (@TheDeverakonda) November 16, 2021
తాజాగా మైక్ టైసన్ ఈ సినిమా షూటింగ్లో పాల్గొన్నారు. ప్రస్తుతం లైగర్ టీమ్ అమెరికాలోని లాస్వేగాస్లో షూటింగ్ జరుపుకుంటోంది. ఇందులో భాగంగానే దేవరకొండ, మైక్ టైసన్ల మధ్య కీలక సన్నివేశాలను తెరక్కకిస్తున్నారు పూరి. ట్విట్టర్ వేదికగా ఈ విషయాన్ని అభిమానులతో పంచుకున్నారు విజయ్. తన జీవితంలో ఎప్పటికీ ప్రత్యేకంగా నిలిపోయే క్షణం ఇదంటూ విజయ్ అన్నారు. తొలిసారి ఐరన్ మ్యాన్ను కలిసిన వేళ అంటూ ట్వీట్ చేశారు. ప్రస్తుతం మైక్టైసన్తో కలిసి విజయ్ దిగిన ఫొటో నెట్టింట వైరల్ అవుతోంది.
మిక్స్డ్ మార్షల్ ఆర్ట్స్ బ్యాక్డ్రాప్లో తెరకెక్కుతోన్న సినిమా లైగర్. మైక్టైసన్, విజయ్ల మధ్య ఎపిసోడ్లు సినిమాకు ప్రధాన హైలెట్గా నిలుస్తాయని తెలుస్తోంది. పూరి, ఛార్మి, కరణ్ జోహార్ సంయుక్తంగా ఈ సినిమాను నిర్మిస్తున్నారు. ఇందులో బాలీవుడ్ బ్యూటీ అనన్య పాండే హీరోయిన్గా నటిస్తోంది.
Web Title: Mike tyson joined shooting for liger movie
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
