Megastar Chiranjeevi And Tilak Varma: క్రికెట్ సెన్సేషన్ తిలక్ వర్మ(Tilak Varma) నేడు మెగాస్టార్ చిరంజీవి(Megastar Chiranjeevi) ని ప్రత్యేకంగా కలవడం ఇప్పుడు ఇండస్ట్రీ లో హాట్ టాపిక్ గా మారింది. ‘మన శంకర వరప్రసాద్ గారు'(Mana Shankara Varaprasad Garu Movie) మూవీ షూటింగ్ సెట్స్ లో ఉన్న చిరంజీవి ని తిలక్ వర్మ కలవగా, మూవీ టీం మొత్తం ఆయన్ని ప్రత్యేకంగా సన్మానించారు. అందుకు సంబంధించిన వీడియో ఇప్పుడు బాగా వైరల్ అయ్యింది. తెలంగాణ ప్రాంతానికి చెందిన తిలక్ వర్మ, ఈమధ్య కాలం లో మన తెలుగోళ్లు గర్వించే విధంగా ఎన్నో అద్భుతమైన విజయాలు సాధించి సంచలనం సృష్టించాడు. చిన్నతనం నుండి చిరంజీవి, పవన్ కళ్యాణ్ లకు పెద్ద వీరాభిమాని అయిన తిలక్ వర్మ, ఎప్పటి నుండో వాళ్ళను కలిసేందుకు ప్రయత్నం చేస్తూ ఉండేవాడు. అప్పటికి ఆయన క్రికెట్ రంగం లోకి కూడా అడుగుపెట్టలేదు. అలాంటి స్థాయి, నేడు స్వయంగా మెగాస్టార్ చిరంజీవి తన మూవీ షూటింగ్ జరుగుతున్న సెట్స్ కి ఆహ్వానించి, తిలక్ వర్మ చేత కేక్ కట్ చేయించి సన్మానం చేయడం విశేషం.
అసలు సిసలు విజయం అంటే ఇదే. తిలక్ వర్మ ప్రయాణం యువతకు ఆదర్శప్రాయకం అని సోషల్ మీడియా లో నెటిజెన్స్ ఈ సందర్భంగా కామెంట్స్ చేస్తున్నారు. టాలెంట్ ని ప్రోత్సహించడం లో ఎప్పుడూ ముందు ఉండే చిరంజీవి, చిన్నా పెద్దా అని తేడా లేకుండా అందరిని సమానమైన దృష్టితో ఎలా చూస్తాడో మనమంతా దశాబ్దాల నుండి చూస్తూనే ఉన్నాం. ఇక తెలుగు వాడు అయ్యుండి అంతర్జాతీయ స్థాయిలో ప్రభంజనం సృష్టిస్తున్న తిలక్ వర్మ లాంటి వాళ్ళను ప్రోత్సహించకుండా ఎలా ఉంటాడు?, అది ఆయన గొప్ప మనసుకి తార్కాణం అంటూ మెగా అభిమానులు ఈ సందర్భంగా పోస్ట్ చేస్తున్నారు. వీళ్ళిద్దరినీ సమానంగా అభిమానించే ఫ్యాన్స్ కి నేడు వీళ్ళ కలయిక కు సంబంధించిన ఫోటోలు, వీడియోలు బయటకు రావడంతో, వాళ్లకు కనుల పండుగ లాగా ఈ సంఘటన నిలిచిపోయింది.
Megastar #Chiranjeevi Garu met young cricket sensation #TilakVarma on the sets of #ManaShankaraVaraPrasadGaru and felicitated him for his stellar contribution to India’s glorious win against Pakistan.
A proud moment as the Megastar appreciated the Hyderabad boy’s talent,… pic.twitter.com/9HVOg2ZRy4
— Team Megastar (@MegaStaroffl) October 16, 2025
