Balakrishna: తన స్టెప్పులతో జనాలను ఉర్రూతలూగించి డైలాగులతో ఉద్వేగం రప్పించగలిగే వన్ అండ్ ఓన్లీ లెజెండ్ నందమూరి బాలకృష్ణ. ఇటీవలే ఓటీటీలో అడుగుపెడుతున్నట్లు ప్రకటించిన సంగతి తెలిసిందే. అన్స్టాపబుల్ విత్ ఎన్బీకే పేరుతో ప్రముఖ ఓటీటీ సంస్త ఆహా ఈ షోను నిర్వహిస్తోంది. జాంబీ రెడ్డి డైరెక్టర్ ప్రశాంత్ వర్మ ఈ షోకు దర్శకత్వం వహిస్తున్నారు. నవంబరు 4 నుంచి ఈ ప్రోగ్రామ్ తొలి ఎపిసోడ్ ఆహాలో ప్రారంభం కానుంది. అయితే, ఇందులో ఫస్ట్ గెస్ట్ ఎవరు వస్తారనేదాపై అనేక గుసగుసలు వినిపించాయి. ఈ క్రమంలోనే మెగాస్టార్ చిరంజీవి హాజరు అవుతారనే వార్తలూ వచ్చాయి. అయితే, ఈ షో ఫస్ట్ గెస్ట్గా మంచు మోహన్బాబు ఫ్యామిలీ హాజరయినట్లు తెలుస్తోంది. మోహన్బాబును ఇంటర్వ్యూ చేసిన తర్వాత సెట్లో వారిద్దరూ కలిసి దిగిన ఫొటోలు ప్రస్తుతం నెట్టింట వైరల్గా మారాయి.
తొలి ఎపిసోడ్ చాలా సరదాగా నడిచిందని బాలయ్య సెట్లో ఎంతో ఫన్ చేశారని సమాచారం. గతంలో మంచు ఫ్యామిలీతో బాలయ్యకు విభేదాలున్నాయని టాక్. ఒకానొక సమయంలో బాలకృష్ణ అల్లుడు ఓడిపోవడానికి తానే హెల్ప్ చేశానని మోహన్ బాబు మీడియా ముందు వెల్లడించారు. అయితే, ఈ విషయాలపై ఇంటర్వ్యూలో ప్రస్థావించారా లేదా అన్న విషయం తెలియాల్సి ఉంది. మరోవైపు ఎప్పుడూ ఉగ్రరూపంతో కనిపించే బాలయ్య.. ఈ షోకు హోస్ట్గా చేస్తుండటంపై సర్వత్రా ఆసక్తి నెలకొంది. ప్రస్తుతం బాలయ్య అఖండ సినిమా చేస్తున్నారు. ఇప్పటికే దాదాపు షూటింగ్ పూర్తి చేసుకుంది ఈ సినిమా. ఇటీవలే విడుదలైన టీజర్లో బాలయ్య పాత్రపై అభిమానుల్లో అంచనాలు ఆకాశాన్నంటాయి.
