Manchu Manoj Kannappa: ‘కన్నప్ప’ టీంకి శుభాకాంక్షలు తెలియజేసిన మంచు మనోజ్.. కానీ ట్విస్ట్ ఏమిటంటే!

Manchu Manoj Kannappa: గత కొంతకాలం నుండి మంచు కుటుంబం లో జరుగుతున్న గొడవలను కోట్లాది మంది తెలుగు ప్రేక్షకులు గమనిస్తూనే ఉన్నారు. మంచు మనోజ్(Manchu Manoj) తన తండ్రి మోహన్ బాబు(Manchu Mohan Babu), అన్నయ్య మంచు విష్ణు(Manchu Vishnu) లపై చేస్తున్న పోరాటాన్ని చూస్తూనే ఉన్నాం. ఈ వివాదం లో న్యాయం ఎవరి వైపు ఉంది అనేది కాసేపు పక్కన పెడితే, సోషల్ మీడియా లో నెటిజెన్స్ సపోర్ట్ మాత్రం మంచు మనోజ్ పైనే ఉంది. మంచు విష్ణు బహిరంగంగా ఇప్పటి వరకు మనోజ్ పై ఎలాంటి కామెంట్స్ చేయలేదు కానీ, మంచు మనోజ్ మాత్రం ఎన్నో సెటైర్లు వేస్తూ వచ్చాడు. ముఖ్యంగా కన్నప్ప చిత్రం పై ఆయన వేసిన సెటైర్లు అన్నీ ఇన్ని కావు. అయితే రేపు ఈ చిత్రం ప్రపంచవ్యాప్తంగా అన్ని ప్రాంతీయ భాషల్లో గ్రాండ్ గా రిలీజ్ కాబోతుంది. ఈ సందర్భంగా మంచు మనోజ్ వేసిన ఒక ట్వీట్ ఇప్పుడు సోషల్ మీడియా లో బాగా వైరల్ అయ్యింది.

Also Read: ప్రశాంత్ వర్మ కెరియర్ ముగిసినట్టేనా..?

ఆయన మాట్లాడుతూ ‘కన్నప్ప మూవీ టీం కి ఆల్ ది బెస్ట్. మా నాన్న మరియు ఆయన టీం ఏళ్ళ తరబడి శ్రమించి ఈ చిత్రాన్ని రూపొందించారు. వాళ్ళ కష్టానికి ఫలితంగా ఈ సినిమా బ్లాక్ బస్టర్ అవ్వాలని కోరుకుంటున్నాను. చిన్నారులు అరియానా, వివియానా మరియు అవ్రం లను వెండితెర పై ఎప్పుడెప్పుడు చూస్తానా అని ఎదురు చూస్తున్నాను. అదే విధంగా తనికెళ్ళ భరణి గారి డ్రీం ప్రాజెక్ట్ సినిమా రూపం లో రేపు మన ముందుకు రావడం నాకు ఎంతో సంతోషాన్ని ఇచ్చింది. ఈ చిత్రం లో నటించిన గోల్డ్ హార్ట్ రెబల్ స్టార్ ప్రభాస్(Rebel Star Prabhas) గారికి, లెజెండ్స్ మోహన్ లాల్(Mohanlal), అక్షయ్ కుమార్(Akshay Kumar) వంటి వారికి మనస్ఫూర్తిగా ధన్యవాదాలు తెలియజేస్తున్నాను. మీ అందరినీ రేపు సిల్వర్ స్క్రీన్ పై చూడబోతున్నందుకు చాలా థ్రిల్ ఫీల్ అవుతున్నాను’ అంటూ చెప్పుకొచ్చాడు మంచు మనోజ్.

సినిమాలో పని చేసిన ప్రతీ ఒక్కరి గురించి ఆయన ఈ ట్వీట్ లో ప్రస్తావించాడు కానీ, హీరో గా నటించిన తన అన్నయ్య మంచు విష్ణు గురించి ఒక్క మాట కూడా మాట్లాడకపోవడం గమనార్హం. కనీసం నలుగురిలో ఒకరిగా కూడా ఆయన్ని గుర్తించలేదు. దీనిని బట్టీ మనోజ్ కి విష్ణు అంటే ఎంత కోపముందో అర్థం చేసుకోవచ్చు. ఈ ట్వీట్ ని చూసిన తర్వాత వీళ్ళ మధ్య గొడవలు ఇప్పట్లో తగ్గడం అసాధ్యం అనే అనిపిస్తుంది. ఇకపోతే రేపు విడుదల కాబోతున్న కన్నప్ప చిత్రానికి సంబంధించిన అడ్వాన్స్ బుకింగ్స్ నిన్ననే మొదలయ్యాయి. ఎవ్వరూ ఊహించని విధంగా ఈ అడ్వాన్స్ బుకింగ్స్ కి బ్లాక్ బస్టర్ రెస్పాన్స్ వచ్చింది. గంటకు దాదాపుగా బుక్ మై షో లో నాలుగు వేలకు పైగా టికెట్స్ అమ్ముడుపోతున్నాయంటే సాధారణమైన విషయం కాదు. మంచు విష్ణు భవిష్యత్తులో ఇలాంటివి చూడడం సాధ్యం కాదు.