సరిలేరు నీకెవ్వరు చిత్రం తో కెరీర్ బెస్ట్ హిట్ అందుకొన్న మహేష్ బాబు తన తరవాతి సినిమా విషయం లో ఎన్నో జాగ్రత్తలు తీసుకొంటు యాక్షన్ ఎంటర్ టైనర్ కంటే ఫామిలీ ఎంటర్ టైనర్ మేలు అనుకోని ఆ దిశగా ఆలోచించాడు. ఆ క్రమంలో సూపర్ స్టార్ మహేశ్ బాబు హీరోగా పరుశురామ్ దర్శకత్వంలో ఓ ఫ్యామిలీ యాక్షన్ ఎంటర్ టైనర్ రాబోతుంది. కాగా కథ ప్రకారం ఈ చిత్రంలో చాల భాగం యుఎస్ బ్యాక్‌ డ్రాప్ లో షూటింగ్ జరపాలట .. కానీ, కరోనా వైరస్ వ్యాప్తి కారణంగా అమెరికాలో షూట్ చేయడం కష్టం కనుక స్క్రిప్ట్ లో మార్పులు చేర్పులు చేస్తున్నట్టు తెలుస్తోంది.
కాగా ఈ చిత్రం యొక్క నటీనటుల ఎన్నిక జరుగుతోంది. మహేష్ బాబుకు జోడీగా మహానటి కీర్తి సురేష్ ఖాయం అయినట్టు తెలుస్తోంది. ఇక ఈ సినిమాలో విలన్ గా కన్నడ హీరో ఉపేంద్ర అయితే బాగుంటుందని దర్శక నిర్మాతలు భావిస్తున్నారు. రీసెంట్ గా ఇదే విషయాన్నీ ఉపేంద్ర మీడియా తో చెప్పడం జరిగింది . సన్నాఫ్ సత్యమూర్తి సినిమాలో పోషించిన పాత్రలో నెగెటివ్ షేడ్స్ ఉన్నా అది విలన్ పాత్ర కాదు. కాగా కన్నడ నాట స్టార్ హీరోగా కొనసాగుతున్న ఉపేంద్ర, మహేష్ బాబు సినిమాలో విలన్ గా చేయడానికి కొంచెం ఆలోచిస్తున్నానని ఈ మధ్యనే అన్నాడు . కానీ ఈ చిత్ర యూనిట్ మాత్రం ఉపేంద్ర నే ఒప్పించాలని పట్టుదలగా ఉన్నారు .
