Mahesh Babu Trivikram Movie: సూపర్ స్టార్ కృష్ణ నట వారసుడిగా ఇండస్ట్రీకి ఎంట్రీ ఇచ్చిన మహేష్ బాబు మొదటి సినిమాతోనే ప్రేక్షకుల మనసు దోచుకున్నాడు. రాజకుమారుడు సినిమా ఇచ్చిన సక్సెస్ తో స్టార్ హీరోగా మారిపోయాడు. ఆ తర్వాత ఆయన చేసిన సినిమాలు పెద్దగా సక్సెస్ ను సంపాదించి పెట్టలేదు. అయినప్పటికీ మురారి, ఒక్కడు సినిమాలతో తన సత్తా ఏంటో చూపించాడు. ఇక ఎట్టకేలకు తెలుగు సినిమా ఇండస్ట్రీలో టాప్ హీరోగా మారిన ఆయన ప్రస్తుతం ‘వారణాసి’ సినిమాతో ప్రపంచ స్థాయి ప్రేక్షకులందరిని తన వైపు తిప్పుకోవాలనే ప్రయత్నం చేస్తున్నాడు. అందుకే ఇప్పటివరకు ఎవరికి సాధ్యంకానీ రీతిలో సక్సెస్ లను అందుకోవాలనే ప్రయత్నం చేస్తున్నాడు. ఇక ఇదిలా ఉంటే మహేష్ బాబు స్టార్ హీరోగా మారడంలో త్రివిక్రమ్ శ్రీనివాస్ సైతం తనవంతు సహాయమైతే చేశాడు. అతడు సినిమాతో అతనికి భారీ సక్సెస్ ని కట్టబెట్టాడు. ఈ సినిమా కమర్షియల్ గా ఆడకపోయిన కూడా మహేష్ బాబు లోని వైవిధ్యమైన నటనను బయటికి తీసిన ఘనత కూడా త్రివిక్రమ్ శ్రీనివాస్ కే దక్కుతుంది.
ఇక ఇలాంటి క్రమంలోనే వీళ్ళిద్దరి కాంబినేషన్లో వచ్చిన ‘గుంటూరు కారం’ సినిమా ఆశించిన మేరకు విజయాన్ని సాధించలేదు. ఆ సినిమా వల్ల మహేష్ బాబు కెరీర్ కి గాని, త్రివిక్రమ్ కి గాని ఎలాంటి ఉపయోగం లేకపోవడంతో త్రివిక్రమ్ ఈ విషయంలో కొంతవరకు అసంతృప్తిని వ్యక్తం చేస్తున్నారట.
మూడు సినిమాలు మహేష్ బాబుతో చేసినప్పటికి అతనికి ఒక్కటి కూడా ఇండస్ట్రీ హిట్ అందించలేకపోయాననే ఒక వెలితి తనకి ఉందని పలు సందర్భాల్లో చెబుతూ వస్తున్నాడట. ఇక ఏది ఏమైనా కూడా త్రివిక్రమ్ లాంటి దర్శకుడితో సినిమా చేసి కూడా భారీ సక్సెస్ ని సాధించలేకపోయిన మహేష్ బాబును చూసిన అతని అభిమానులు కూడా కొంత వరకు అసంతృప్తిని వ్యక్తం చేస్తున్నారు…
ఇక పవన్ కళ్యాణ్, అల్లు అర్జున్ లాంటి వాళ్ళకి ఇండస్ట్రీ హిట్లను కట్టబెట్టిన త్రివిక్రమ్ మహేష్ బాబు విషయంలో మాత్రం తప్పటడుగు వేశాడనే చెప్పాలి. మరి ఫ్యూచర్లో వీళ్ళ కాంబినేషన్ వర్కౌట్ అయితే మాత్రం తప్పకుండా తనకు ఒక భారీ ఇండస్ట్రీ హిట్ ని ఇస్తానని త్రివిక్రమ్ తన సన్నిహితుల దగ్గర చెబుతున్నాడు…
